एसटी महामंडळाच्या कर्मचाऱ्याची आत्महत्या; कामगार वर्गात चर्चेला उधाण

सकाळ वृत्तसेवा
Sunday, 11 October 2020

शनिवारी (ता. 10) सकाळी पंचवटी येथे धक्कादायक घटना घडली. एसटी महामंडळाच्या नाशिक 1 आगारात हेल्पर म्हणून काम करणाऱ्या कर्मचाऱ्याने गळफास घेत आत्महत्या केली. अवघे 223 रुपये इतके वेतन मिळाल्याने आत्महत्या केली असल्याची चर्चा आहे. वाचा काय घडले?

नाशिक : शनिवारी (ता. 10) सकाळी पंचवटी येथे धक्कादायक घटना घडली. एसटी महामंडळाच्या नाशिक 1 आगारात हेल्पर म्हणून काम करणाऱ्या कर्मचाऱ्याने गळफास घेत आत्महत्या केली. अवघे 223 रुपये इतके वेतन मिळाल्याने आत्महत्या केली असल्याची चर्चा आहे. वाचा काय घडले?

अशी आहे घटना

शनिवारी (ता. 10) सकाळी पंचवटीतील कोणार्कनगर येथे खळबळजनक घटना घडली. एसटी महामंडळाच्या नाशिक 1 आगारात हेल्पर म्हणून काम करणाऱ्या अशोक ताडकुळे (वय 30) याने गळफास घेऊन आत्महत्या केली. ताडकुळे हा मुळचा नांदेड येथील रहिवासी होता. किनवट येथील रहिवासी असून 2015 मध्ये तो महामंडळात रूजू झाला होता. एसटीतील आपल्या एका मित्रासमवेत तो कोणार्कनगर येथे भाडेतत्वावर राहत होता. त्याचा मित्र रात्रपाळी करुन रुमवर परतल्यावर अशोक गळफास लावलेल्या अवस्थेत आढळून आला. ही घटना कामगारांना कळल्यानंतर त्यांनी तत्काळ घटनास्थळी धाव घेतली. 

हेही वाचा > अशी ही माणुसकी! रस्त्यात सापडलेले पन्नास हजार केले परत; प्रामाणिकपणाचे सर्वत्र कौतुक

अवघे 223 वेतन झाल्याने आत्महत्या?

नोकरीसाठी अशोक हा कुटूंबाला सोडून नाशिकमध्ये राहत होता. कुटूंबात तो एकमेव कमावता असल्याने त्याच्यावरच सर्व जबाबदारी होती. जुलै महिन्यातील सुट्या शिल्लक नसल्यामुळे अवघे 223 रुपये इतके वेतन त्याला मिळाले. या घटनेमुळे अनेक तर्कवितर्क लढविले जात आहेत. त्यातच केवळ 223 रुपये इतका पगार हाती आल्याने नैराश्यातून त्याने आत्महत्या केली असावी अशी चर्चा कामगार वर्गात सुरू आहे.

हेही वाचा > हाउज द जोश : 69 वर्षीय 'आजी'ने हरिहर किल्ला केला सर; तोही अवघ्या चार तासांत! पाहा VIDEO


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Suicide of an employee of ST Corporation in Panchavati nashik marathi news