धक्कादायक! विवाहित महिलेची माहेरी गळफास घेऊन आत्महत्या...परिसरात खळबळ

नाशिक : (मालेगाव मध्य) शहरातील रौनकाबाद येथील एका महिलेने शनिवारी (ता. 27) रात्री आठच्या सुमारास गळफास घेऊन आत्महत्या केल्याची घटना घडली. सायराबानो शेख उमर असे मृत महिलेचे नाव असून सविस्तर प्रकार असा की...

अशी आहे घटना

शहरातील रौनकाबाद येथे शनिवारी (ता. 27) रात्री आठच्या सुमारास घराच्या छताला ओढणीने गळफास घेऊन एका महिलेने आत्महत्या केली. मनोविकाराने त्रस्त असलेल्या या महिलेस लॉकडाऊनमुळे औषधोपचार न मिळाल्याने तिने आत्महत्या केल्याचे समजते. सायराबानो शेख उमर असे मृत महिलेचे नाव आहे. सायराबानो हिचे सासर शहरातील नोमानीनगर येथे आहे. तिला मनोविकाराने ग्रासले असल्याने २०१५ पासून तिच्यावर सुरत येथील शासकीय रुग्णालयात उपचार सुरू होते. मागील तीन-चार महिन्यापासून तिचे औषध संपले होते. परंतु लॉकडाऊनमुळे वाहने बंद होती. खासगी वाहनाने जाणे आर्थिकदृष्ट्या शक्य नसल्याने तिला वेळीच औषधोपचार मिळू शकले नाही. 

हेही वाचा > VIDEO : अमर रहे..वीरजवान सचिन मोरे अमर रहे..शासकीय इतमामात अंत्यसंस्कार

औषधोपचार न मिळाल्याने तिची प्रकृती दिवसेंदिवस ढासळत होती. या नैराश्यातून रात्री आठच्या सुमारास माहेरी रौनकाबाद येथे वरच्या मजल्यावर ओढणीने गळफास लावून आत्महत्या केली. जेव्हा खोलीचा दरवाजा उघडला तर समोरच सायराबानोचा मृतदेह लटकलेल्या अवस्थेत आढळला. अशी माहिती भाऊ मोहम्मद शाकीर याने पोलिसांना दिली. तिच्या पश्चात पती व मुलगा असा परिवार आहे.

हेही वाचा > आनंदवार्ता! जिल्ह्यातील 'हे' चार तालुके झाले कोरोनामुक्‍त...एकही पॉझिटिव्ह रुग्ण नाही