नाशिक : महापालिका क्षेत्रात तीन जण कोरोनाबाधित आढळल्यानंतर त्यांच्या संपर्कात आलेल्या चौदा संशयितांचे स्वॅब पुणे येथे तपासणीसाठी पाठविले आहेत. यापूर्वीच्या दाखल 29 संशयितांचे अहवाल अद्याप बाकी आहेत. जिल्ह्यात 29 मार्चला कोरोनाचा पहिला रुग्ण आढळला होता.
अद्यापही 29 अहवाल शिल्लक
शुक्रवारी (ता.10) दोन रुग्ण आढळले. आतापर्यंत एकूण तीन पॉझिटिव्ह रुग्ण आढळले असून, गोविंदनगर, आनंदवली परिसरातील नवशा गणपती परिसर व नाशिक रोड परिसर असे तीन रुग्ण आढळले. कोरोना पॉझिटिव्ह रुग्णांच्या संपर्कात आलेल्या चौदा जणांचे स्वॅबचे नमुने पुणे येथे तपासणीला पाठविले आहेत. महापालिकेच्या वैद्यकीय पथकाने आतापर्यंत 264 नमुने तपासणीसाठी घेतले. त्यातील 235 जणांचे अहवाल प्राप्त झाले असून, यातील तिघांना कोरोना पॉझिटिव्ह असल्याचे स्पष्ट झाले. उर्वरित अहवाल निगेटिव्ह आले, तर अद्यापही 29 अहवाल शिल्लक आहेत. महापालिकेच्या कथडा येथील डॉ. झाकिर हुसेन रुग्णालयात 33 संशयित, तर अपोलो रुग्णालय येथे चार संशयित दाखल असल्याची माहिती महापालिकेच्या वैद्यकीय विभागाने दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.