पेट्रोल- डिझेल वाहतूक करणाऱ्या ट्रँकरमधूनच पेट्रोल- डिझेलची चोरी? वाचा सविस्तर प्रकार

नाशिक / चांदवड : शेतातील पत्र्याच्या शेडमध्ये इंडियन ऑइल कंपनीच्या पेट्रोल- डिझेल वाहतूक करणाऱ्या ट्रँकरमधून पेट्रोल- डिझेलची चोरी होत असल्याची माहिती चांदवडच्या पोलिस निरीक्षकांना मिळाली. त्यानंतर...

असा घडला प्रकार

गुंजाळ वस्ती येथील शेतातील पत्र्याच्या शेडमध्ये इंडियन ऑइल कंपनीच्या पेट्रोल- डिझेल वाहतूक करणाऱ्या ट्रँकरमधून पेट्रोल- डिझेलची चोरी होत असल्याची माहिती चांदवडच्या पोलिस निरीक्षकांना मिळाली. या माहितीवरून वरिष्ठांच्या मार्गदर्शनाखाली पोलिस निरीक्षक हिरालाल पाटील, हवालदार कैलास जगताप, विजय जाधव, अरुण डोंगरे, चंद्रकांत पवार, एस. आर. मोरे आदींनी सापळा रचला. या वेळी टॅंकरमधून चोरी होताना त्यांनी दोघांना पकडले. या वेळी संशयित हा टँकरचालक असल्याची माहिती पोलिसांना मिळाली. याप्रकरणी पोलिसांनी शेख मेहबूब शेख सिकंदर (३८, रा. औरंगाबाद) व राजेंद्र गुंजाळ (३९, रा. रायपूर) यांना ताब्यात घेतले. टॅंकरचा क्लिनर विकी पारधी फरारी आहे.  

हेही वाचा > धक्कादायक! 'त्या' क्षणाला न बायको आठवली न लेकरं...दुर्देवी घटना

पाच दिवसांची पोलिस कोठडी

तालुक्यातील रायपूर शिवारातील गुंजाळ वस्ती येथे इंडियन ऑइल कंपनीच्या पेट्रोल आणि डिझेलची वाहतूक करणाऱ्या टँकरमधून इंधनाची चोरी करणाऱ्या चालकासह एकास पोलिसांनी पकडले. या दोघा संशयितांकडून चांदवड पोलिसांनी १६ लाख ३५ हजार ९१७ रुपयांचा मुद्देमाल जप्त केला. दोघा संशयितांना न्यायालयाने पाच दिवसांची पोलिस कोठडी सुनावली. 

हेही वाचा > निरक्षर आई- बापाची दिव्यांग लेक सुनिताने शेवटी करून दाखवलचं! पालकांचे आनंदाश्रु थांबेना...