एक वादळी पाऊस अन् नशिबावरच पडली वीज...क्षणात झाले होत्याचे नव्हते!

नाशिक : केरसाणे (ता. बागलाण) येथे झालेल्या वादळी पावसात वीज पडून तीन म्हशी ठार झाल्याची घटना शुक्रवारी (ता. 13) रात्री दहा वाजेच्या सुमारास घडली. या घटनेने त्यामुळे दशरथ आहिरे यांचे दीड लाखांचे नुकसान झाल्याने त्याच्यासह नागरिकांत हळहळ व्यक्त होत आहे.

असा आहे प्रकार

शुक्रवारी (ता. 13) रात्री दहाला झालेल्या पावसात श्री. आहिरे यांच्या मुंगसे रोडलगत असलेल्या गोठ्यावर वीज पडली. या वीज पडल्याने तीन म्हशी जागीच ठार झाल्या. या घटनेचा तलाठी श्री. धोंडगे, कोतवाल कैलास सोनवणे, पशुवैद्यकीय डॉ. सावळे यांनी पंचनामा केला. या वेळी सरपंच फुला माळी, उपसरपंच आशा अहिरे, पोलिसपाटील भाऊसाहेब मोरे, सोसायटी संचालक लक्ष्मण अहिरे, संजय अहिरे, केदा आहिरे, प्रसाद अहिरे आदी उपस्थित होते. 

 हेही वाचा > PHOTOS : दुर्दैवी घटना! पोलीस अधिकारीच्या गाडीचा अक्षरश: चेंदामेंदा..सुट्टीनिमित्त घरी जातानाच काळाचा घाला..पाहा

शेतीला जोडधंदा म्हणून दुग्ध व्यवसाय करण्याची आवड होती. त्यासाठी म्हशी घेतल्या. परंतु वीज पडल्याने मोठे नुकसान झाले. - दशरथ आहिरे, शेतकरी, केरसाणे  

हेही वाचा > धक्कादायक! ३५ वर्षांचा घरोबा..सख्खे शेजारी..कुटुंबासाठी धावणाऱ्यांचाच विश्वासघात