नाशिक : गडकरी चौकातील महापालिका आयुक्तांच्या निवासस्थानासमोर "ना फेरीवाला' क्षेत्र असतानाही एका महिलेने येथे फळविक्रीस सुरवात केल्यानंतर अतिक्रमण पथकाने त्या महिलेला हटकले. त्याचा राग आल्याने त्या महिलेने रस्त्यावर फळे फेकून दिल्याने रस्त्यावर अडथळा निर्माण केला. याप्रकरणी मुंबई नाका पोलिसांत महिलेविरोधात गुन्हा नोंदविण्यात आला.
असा घडला प्रकार
आधीच संचारबंदी त्यात ना फेरीवाला क्षेत्रात हातगाडी लावून फळे विक्री करणाऱ्या महिलेस अतिक्रमण पथकाने हटवण्याचा प्रयत्न केला असता तिने गोंधळ घातला आणि आयुक्त राधाकृष्ण गमे यांच्या निवासस्थानासमोर भाजीपाला फेकून संताप घातला. दरम्यान, याप्रकरणात संबंधीत महिलेच्या विरोधात पोलीसात गुन्हा दाखल करण्यात आला आहे.सध्या संचारबंदी असल्याने महापालिका क्षेत्रात निर्धारीत ठिकाणीच फळे आणि भाजीपाला विकता येतोे असे असताना गडकरी चौक येथे फळे विक्री करणाऱ्या महिलेस मनपा कर्मचाऱ्यांनी अडवताच तीने गोंधळ घातला. शशिकला नामदेव खरात नामक या महिलने हात गाड्यावर असणारे काही फळं मनपा आयुक्त राधाकृष्ण गमे यांच्या निवासस्थाना समोरील रस्त्यावर टाकुन अडथळा निर्माण केला तसेच पश्चिम विभागाचे अतिक्रमण कर्मचारी श्रीराम मधुकर गायधनी यांच्याशी वाद घालून वजन काट्याच्या भांड्याने स्वत:च्या डोक्यावर मारून घेऊन आरडा ओरड करीत अतिक्रमण विभागाच्या गाडी समोर येऊन ठिय्या मांडला.
तसेच सरकारी कामात अडथळा आणला. याा फळविक्री येत्या महिलेवर मुंबई नाका पोलीस ठाण्यात गुन्हा नोंदविण्यात आला आहे.दरम्यान, महापालिकेच्या वतीने शहरात फेरीवाला क्षेत्र घोषीत करण्यात आले आहे. त्याठिंकाणीच व्यवसाय करणे आवश्यक आहे. सध्या तर संचारबंदी असल्याने तर महापलिकेने निर्धारीत केलेल्या ठिंकाणीच विक्री करावी असे आवाहन मनपाच्या वतीने करण्यात आले आहे.",
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.