भयावह! बाईकवरून सुसाट जाताना..अचानक बाजूच्या धावत्या कारचा दरवाजा उघडला...

नाशिक : पोलिसांनी दिलेल्या माहितीनुसार, अभिषेक रामअशिष जयस्वाल (19, रा. एकलहरे जकात नाका, त्रिमूर्तीनगर, नाशिक रोड) व त्याचा मावसभाऊ बिपिन जयस्वाल हे दोघे दुचाकीवरून (एमएच 15 एफझेड 7942) सिन्नर फाट्याकडे येत होते. अभिषेकने हेल्मेट घातलेले होते. ते चेहेडी शिव येथील प्रेस्टीज पॉइंट कॉलनीच्या गेटसमोर आले असता, त्यांच्या पुढे असणाऱ्या कारचा (एमएच 15 एफएफ 7146) संशयित कारचालक भालचंद्र पोपटराव शिरसाठ (रा. गंगापूर रोड) याने अचानक धावत्या कारचा दरवाजा उघडला असता जे काही झाले ते भयावह होते.

पुणे महामार्गावरील घटना...

बिपिन रामप्रताप जयस्वाल असे ठार झालेल्या युवकाचे नाव आहे. पोलिसांनी दिलेल्या माहितीनुसार, अभिषेक रामअशिष जयस्वाल (19, रा. एकलहरे जकात नाका, त्रिमूर्तीनगर, नाशिक रोड) व त्याचा मावसभाऊ बिपिन जयस्वाल हे दोघे दुचाकीवरून (एमएच 15 एफझेड 7942) सिन्नर फाट्याकडे येत होते. अभिषेकने हेल्मेट घातलेले होते. ते चेहेडी शिव येथील प्रेस्टीज पॉइंट कॉलनीच्या गेटसमोर आले असता, त्यांच्या पुढे असणाऱ्या कारचा (एमएच 15 एफएफ 7146) संशयित कारचालक भालचंद्र पोपटराव शिरसाठ (रा. गंगापूर रोड) याने अचानक धावत्या कारचा दरवाजा उघडला असता, त्या दरवाजाचा धक्का अभिषेकच्या दुचाकीला बसला. त्यामुळे दुचाकीवरून अभिषेक रस्त्यावर पडला तर त्याच्या पाठीमागे बसलेला बिपिन जयस्वाल शेजारून धावणाऱ्या ट्रकच्या (एमएच 48 एआर 1169) मागील चाकाखाली सापडून चिरडला गेला. त्यामुळे तो जागीच ठार झाला. तर अभिषेकही गंभीर जखमी झाला. हा अपघात गुरुवारी (ता. 2) सायंकाळी सहाच्या सुमारास घडला. याप्रकरणी कारचालक शिरसाठ याच्याविरोधात नाशिक रोड पोलिसांत गुन्हा दाखल झाला. गुन्ह्याचा तपास सहाय्यक निरीक्षक एन. जे. कंडारे करीत आहेत. 

हेही वाचा > मुख्याध्यापकानेच केले 'असे' लाजीरवाणे कृत्य...की गेला थेट जेलमध्येच!

हेही वाचा >  रात्रीचा 'तिचा' प्रवास...उद्यानात दारूच्या पार्ट्या रंगताना 'ते' तिला बघतात..अन् मग...