पिंपळगाव बसवंत (नाशिक) : तीन जिवलग मित्र नेहमीप्रमाणे मॉर्निंग वॉकसाठी निघाले होते. गप्पा मारत एकमेकांसोबत वेळ जात होता. मात्र तेवढ्यात असे काही घडले की, त्यातील दोघे थेट रक्ताच्या थारोळ्यात विव्हळत पडले. तर तिसरा मित्र मदतीसाठी धावा करु लागला. अंगावर काटा आणणारी घटना...वाचा नेमके काय घडले?
अशी आहे घटना
शुक्रवारी (ता. 29) सकाळी ६.३० वाजताची वेळ... रिलायन्स पेट्रोल पंप मुबंई महामार्गाच्या सर्व्हिस रोडवरील घटना. वैभव राजेंद्र दायमा (वय २४), राकेश बाळासाहेब वाघाले, सोमनाथ गायकवाड हे तिघे मित्र नेहमीप्रमाणे निघाले होते. यावेळी बेदारकपणे बस चालविणाऱ्या अज्ञात बस चालकाने दोन जणांना चिरडले. त्यातील शिवाजी नगर, कोळीवाडा येथे राहणाऱ्या वैभवला डोक्याला, चेहऱ्याला व कंबरेला आणि पोटाला जबर मार लागल्याने त्याचा जागीच मृत्यू झाला. तर राकेश बाळासाहेब वाघाले हा गंभीर जखमी असून त्याला उपचारासाठी खाजगी रुग्णालयात दाखल केले आहे. सुदैवाने सोमनाथ गायकवाड हा बचावला आहे. यात अज्ञात बस फरार असून चालकाविरोधात पिंपळगाव पोलीस ठाण्यात गुन्हा दाखल करण्यात आला आहे.
याप्रकरणी अधिक तपास पोलीस निरीक्षक भाऊसाहेब पटारे यांच्या मार्गदर्शनाखाली पोलीस हवालदार पंडित वाघ व योगेश बुरगुले करत आहे. घटनेची संवेदनशीलता लक्षात घेता पोलिसांनी या बसचालकाचा शोध घेत चालकावर कारवाई करावी, अशी मागणी नागरिकांनी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.