नाशिक : सध्याच्या परीस्थितीत स्थलांतरीतांकडून आपल्या स्वगृही पोहण्यासाठी विविध पर्यायांची चाचपणी केली जाते आहे. त्यातच विरार येथे बांधकाम क्षेत्रात मजुरी करणाऱ्या मुळच्या ओरीसा येथील मजुरांनी चक्क सायकलीवरुन घर गाठण्याचा निर्धार केला. आपल्याकडे जमलेल्या पैश्‍यांतून गेल्या तीन दिवसांपूर्वी विरार भागातून काही मजुरांनी सायकल खरेदी केली. अन् अकरा मजुर ओरीसाला जाण्यासाठी विरारहून निघाले...घरच्या ओढीने आपली सर्व ताकद पायात एकवटून निरंतर सायकलचा पॅडल मारीत असल्याचे चित्र दिसत आहे.
तप्त उन्हात चालवताय सायकल
सध्या उन्हाळ्यामुळे दिवसभर वातावरणात लक्षणीय वाढ झालेली असतांना, अशा विपरीत परीस्थितीत हे मजुर दिवसभर सायकल चालवत आहेत. पहाटे लवकर सायकलींगला सुरवात करत, सायंकाळी अंधार होईपर्यंत सायकल चालविली जाते आहे. रात्री व्यवस्था होईल तेथे रात्री विश्रांती घ्यायची. स्वयंसेवी संस्था, स्थानिकांकडून भोजनाची उपलब्धता करून घ्यायची. व दिवसा न थांबता जास्तीत जास्त अंतर कापण्याचा प्रयत्न करायचा असे या मजुरांनी ठरविले आहे.
त्र्यंबकरोड मार्गे झाले नाशिकला दाखल
विरार येथून निघालेले हे मजुर आतल्या रस्त्यांनी त्र्यंबकरोड मार्गे नाशिकला दाखल झाले होते. सायंकाळी चारच्या सुमारास शहरात दाखल होतांना नाशिकरोडकडे रवाना झाले. नाशिकरोड रेल्वे स्थानकात रेल्वेची प्रवासाची व्यवस्था होते का, याची चाचपणी करत नंतर पुढे जाण्याबाबत निर्णय घेतला जाईल, असे हे मजुर म्हणाले. रेल्वे उपलब्ध न झाल्यास पाचशे किलोमीटरहून अधिकचे अंतर कापत सायकलीवरुन ओरीसापर्यंत पोहचण्यावर भर असल्याचे त्यांनी सांगितले.
गेल्या तीन दिवसांपूर्वी आम्ही सायकलवरुन विरारहून निघालेलो आहोत. जेवण उपलब्ध झाल्यास रस्त्यात जेवतो. रात्री व्यवस्था होईल, तिथे विश्रांती घेतो आहोत. लवकरात लवकर मुळ गावी ओरीसा येथे पोहचायचे आहे.- इब्राहिम, मजुर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.