Dhule Hire Medical College : हिरे मेडिकल कॉलेजसाठी 15 कोटींचा निधी मंजूर

Dhule News : येथील श्री भाऊसाहेब हिरे शासकीय वैद्यकीय महाविद्यालयात लेक्चर हॉल व परीक्षा हॉलसाठी १५ कोटींचा निधी मंजूर झाला आहे. (15 crore fund approved for Hire Medical College dhule news)

वैद्यकीय शिक्षण तथा पालकमंत्री गिरीश महाजन आणि खासदार डॉ. सुभाष भामरे यांच्या पाठपुराव्यामुळे हा निधी मिळाल्याची माहिती भाजपचे शहर- जिल्हाध्यक्ष अनुप अग्रवाल यांनी दिली.

शहरालगत चक्करबर्डीतील भाऊसाहेब हिरे शासकीय वैद्यकीय महाविद्यालय अत्याधुनिक व्हावे, तसेच खानदेशातील विद्यार्थ्यांना उच्चतम दर्जाचे वैद्यकीय शिक्षण मिळावे यासाठी खासदार डॉ. भामरे यांनी सतत मंत्री महाजन यांच्याकडे पाठपुरावा केला.

हेही वाचा : संतुलित आहारातून रोखा फॅटी लिव्हरचा आजार

यात हिरे वैद्यकीय महाविद्यालयास विविध विभागातील अर्थात पदवी, पदव्युत्तर विद्यार्थ्यांसाठी आवश्यक परीक्षा हॉल व लेक्चर हॉलच्या बांधकामासाठी १४ कोटी ८९ लाख १३ हजाराच्या निधीस प्रशासकीय मान्यता मिळाली आहे.

त्यामुळे हिरे वैद्यकीय महाविद्यालय आधुनिक व सुसज्ज होईल. खानदेशातील विद्यार्थ्यांची सोय होईल, असे सांगत पाठपुराव्याबद्दल श्री. अग्रवाल यांनी मंत्री महाजन, खासदार डॉ. भामरे यांचे आभार मानले आहेत