Nandurbar News : खापर (ता. अक्कलकुवा) येथील एका ॲग्रो एजन्सीवर कृषी विभागाच्या पथकाने छापा टाकत दोन लाखांचे अनधिकृत एचटीबीटी कपाशी बियाणे जप्त केले. या प्रकरणी संबंधितावर गुन्हा दाखल करण्यात आला आहे. (2 lakh worth of unauthorized cotton seeds seized nandurbar crime news)
खापर येथे गणेश मनोज मराठे, मुकेश मोहन मराठे यांच्या मिराई ॲग्रो एजन्सी येथे अनधिकृत कापूस (एचटीबीटी), वाहतूक, साठवणूक व विक्रीबाबत गुप्त माहिती होती. त्यातच कृषी विभागाच्या पथकाने खापर व परिसरात अनधिकृत कपाशी एचटीबीटी बियाणे दाखल झाल्याची बातमी मिळाली होती.
त्या माहितीच्या आधारे जिल्हा भरारी पथक या ॲग्रो एजन्सीवर दाखल झाले. त्या वेळी तपासणी केली असता दुकानाच्या तिसऱ्या मजल्यावरील खोलीत सीलबंद तीन पोती बियाणे आढळून आले. या बियाण्याबाबत गणेश मनोज मराठे (रा. खापर) यांना विचारले असता त्यांनी उडवाउडवीची उत्तरे दिली.
भरारी पथकासमक्ष हे पोते उघडले असता दोन लाख चार हजार ४०० रुपये किमतीचे अनधिकृत कपाशी एचटीबीटी बियाण्याची १४६ पाकिटे आढळून आली. या कारवाईंतर्गत भरारी पथकातील मोहीम अधिकारी जे. एस. बोराळे यांनी गणेश मनोज मराठे, मुकेश मोहन मराठे, मिराई ॲग्रो एजन्सी यांच्याविरुद्ध अक्कलकुवा पोलिस ठाण्यात गुन्हा दाखल केला.
हेही वाचा : Credit Card फसवणूक....काय घ्याल काळजी?
ही कारवाई गटविकास अधिकारी पुलकित सिंह यांच्या उपस्थितीत तसेच विभागीय कृषी सहसंचालक मोहन वाघ, जिल्हा अधीक्षक कृषी अधिकारी तानाजी खर्डे, कृषिविकास अधिकारी प्रकाश खरमाळे यांच्या मार्गदर्शनाखाली झाली. भरारी पथकात तालुका कृषी अधिकारी नीलेश गढरी, तंत्र अधिकारी, विजय मोहिते, कृषी अधिकारी योगेश हिवराळे यांचा समावेश होता.
शेतकऱ्यांनी अधिकृत दुकानांवरूनच बियाणे खरेदी करावे, त्यामुळे बोगस बियाण्यामुळे शेतकऱ्यांची फसवणूक होणार नाही, असे आवाहन विभागीय कृषी सहसंचालक मोहन वाघ यांनी केले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.