Dhule News : वडझाकन येथे महिलांच्या पुढाकाराने दारूबंदी

छडवेल कोर्डे (जि. धुळे) : वडझाकन गावातील महिला सरपंच, ग्रामपंचायत सदस्य, महिला बचतगट अशा सर्व महिला एकत्र येऊन गावातील दारूबंदी केली. गावातून दारू कायम हद्दपार व्हावी, असा संकल्प सोडला. (Alcohol ban initiated by women in Vadzakan dhule news)

त्याला गावातील लोकांनी पण साथ दिली. गावातील तरुण मुले कमी वयात व्यसनाधीन झाले होते. त्याचे वाईट परिणाम दिसत होते म्हणून महिलांनी आपल्या गावात दारू बंदी झाली पाहिजे असा निर्णय केला.

हेही वाचा : 'पठाण'..आणि २०२३ मधले बाॅलीवूड..कसे असतील दिवस

दारूबंदी करण्यासाठी सरपंच अनिता वसावे व ग्रामपंचायत सदस्या हेमलता चौरे, मनीषा कोकणी, मीनाक्षी पाडवी, उखडी पाडवी, निशा वळवी, शीतल वळवी, नीलम चौरे, अजंता चौरे, रीना वसावे, ईलाबाई पाडवी आणि माया दळवी यांनी पुढाकार घेऊन गावात दारूबंदी केली.