धुळे- तालुक्यातील बाळापूर, फागणे आणि वरखेडी येथे चोरट्यांनी एकाच रात्री धुमाकूळ घातला. त्यांनी सहा ठिकाणी घरफोड्या केल्या. या घटनांमध्ये एकूण दीड लाखांहून अधिक रोकड आणि मोठ्या प्रमाणात चांदीचे दागिने लंपास केले..बाळापूरच्या भगवा चौकात चोरट्यांनी एकाच रात्री चार घरे फोडली. त्यात संजय वामन लोहार यांच्या घरातून पाच हजाराची रोकड आणि चार भार चांदी, कैलास एकनाथ मराठे यांच्या घरातून पंधरा भार चांदी आणि पंधरा हजाराची रोकड, विलास एकनाथ मराठे यांचे घर फोडत चोरट्यांनीं बचत गटाची तीस हजारांची रोकड आणि त्यांचे स्वतःचे ३०, असे एकूण ६० हजार व शेजारील गल्लीतील जिभाऊ राजाराम पाटील यांच्या घरातून पंधरा हजारची रोकड लंपास केली. .यानंतर चोरट्यांनी फागणे आणि वरखेडीकडे मोर्चा वळविला. फागणे येथे निवृत्त शिक्षक चंद्रकांत तुकाराम चौधरी यांच्या घरी चोरी केली. ते बाहेरगावी असताना चोरट्यांनी ३५ हजार रोख आणि जुन्या दोन हजाराच्या नोटा लंपास केल्या. वरखेडीतही एक घर चोरट्यांनी फोडले..घटनेची माहिती मिळताच पोलिस पथक तातडीने घटनास्थळी दाखल झाले. ठसे तज्ज्ञ विनोद खरात, धनंजय मोरे, प्रशांत माळे यांनी तपासणी केली. चोऱ्यांच्या घटनांमुळे बाळापूर, फागणे आणि वरखेडी परिसरात भीतीचे वातावरण पसरले आहे. पोलिसांकडून चोऱ्यांच्या घटना रोखण्यासाठी ग्रामस्थांकडून प्रभावी उपाययोजनांची मागणी केली जात आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
