Dhule Crime News : मोहाडी उपनगरात एकाच रात्री चोरीसत्र

Dhule Crime News : शहरातील मोहाडी उपनगरात चोरट्यांनी एकाच रात्रीतून तीन घरांसह वकिलाचे कार्यालय फोडत धाडसी चोरी केली.

रोकडसह सोने व चांदीचे दागिने, असा लाखोंचा ऐवज लंपास केला. (burglary session in single night in Mohadi suburb Dhule Crime News)

मोहाडी पोलिसांनी घटनास्थळी भेट देत पाहणी केली. क्रांती चौकात सुनंदा रोहिदास पाटील यांच्या घरातून चोरट्यांनी ५० हजारांची रोकड व तीन ते चार ग्रॅम वजनाचे दागिने नेले. समाधान देसले यांच्याकडेही घरफोडी झाली.

चोरांनी ३५ हजार रुपये रोख, दीड तोळे चांदी व सात ग्रॅमचे सोन्याचे दागिने लांबविले. दत्तनगरातील लव पाटील यांच्या घरातून ५० हजारांची रोकड लंपास केली.

तसेच वालचंद बापूजीनगरातील अ‍ॅड. अमोल खैरनार यांचे कार्यालय चोरट्यांनी फोडले. कार्यालयातून लॅपटॉप नेला. घटनेची माहिती मिळताच मोहाडी पोलिसांनी घटनास्थळी भेट देत पाहणी केली. तसेच श्वानपथक व ठसेतज्ज्ञांना पाचारण केले.