Dhule News : शिंदे, फडणवीसांच्या हस्ते जिल्हाधिकारी शर्मा सन्मानित

Dhule News : राजीव गांधी प्रशासकीय गतिमानता अभियानात सर्वोत्कृष्ट उपक्रमात धुळे जिल्हाधिकारी कार्यालयाने भूसंपादन प्रक्रियेत महाराष्ट्र रिमोट सेन्सिंग ॲप्लिकेशन सेंटरकडून (नागपूर) प्राप्त उपग्रह छायाचित्रांचा वापर केल्याबद्दल मुख्यमंत्री एकनाथ शिंदे (cm eknath shinde), उपमुख्यमंत्री देवेंद्र फडणवीस यांच्या हस्ते शुक्रवारी (ता. २१) जिल्हाधिकारी जलज शर्मा, शिरपूरचे प्रांताधिकारी प्रमोद भामरे यांना सन्मानित करण्यात आले. (Collector Sharma honored by cm eknath shinde dhule news)

नागरी सेवा दिनानिमित्त सह्याद्री अतिथिगृहात (मुंबई) झालेल्या कार्यक्रमात जिल्हाधिकारी शर्मा यांना मुख्यमंत्री व उपमुख्यमंत्र्यांच्या हस्ते ५० हजार रुपये, सन्मानचिन्हाने गौरविण्यात आले.

महिला व बालविकासमंत्री मंगलप्रभात लोढा, मुख्य सचिव मनुकुमार श्रीवास्तव, सामान्य प्रशासन विभागाच्या अपर मुख्य सचिव सुजाता सौनिक आदी उपस्थित होते.

हेही वाचा : संतुलित आहारातून रोखा फॅटी लिव्हरचा आजार

प्रशासनातील सेवांच्या गुणवत्तेमधील वाढ, लोकाभिमुखता व निर्णयक्षमता आणण्यासाठी तसेच सर्वांच्या सहकार्यातून उत्तम प्रशासन कार्यान्वित करण्याकरिता राजीव गांधी प्रशासकीय गतिमानता अभियान व स्पर्ध राबविण्यात येत आहे.