पुणे येथून परतलेली व्यक्ती कोरोना पॉझिटिव्ह

नंदुरबार : जिल्ह्यात पुन्हा कोरोनाचा शिरकाव झाला आहे. रविवारी (ता.१९) पुणे येथून नंदुरबारला आलेल्या रुग्णाला त्रास जाणवू लागल्याने त्याची आरटीपीसीआर तपासणी केली असता त्याचा अहवाल पॉझिटिव्ह आला आहे.

दरम्यान, नागरिकांनी घाबरुन न जाता काळजी घ्यावी व कोरोनाचे नियम पाळावे, असे आवाहन जिल्हा शल्य चिकित्सक डॉ.चारुदत्त शिंदे यांनी केले आहे. पुणे येथून नंदुरबारला आलेला एक जण आजारी पडला. त्याला असलेल्या लक्षणांवरुन कोरोना चाचणी केली असता त्याचा अहवाल पॉझिटिव्ह आला आहे. त्याच्यावर जिल्हा रुग्णालयात उपचार सुरु आहेत. परंतु नागरिकांनी मास्कचा वापर करावा, वारंवार साबणाने हात स्वच्छ धुवावे, असे आवाहन जिल्हा शल्य चिकित्सक डॉ. चारुदत्त शिंदे यांनी केले आहे.