Dhule News : राऊळनगरचा चेहरामोहरा बदलणार : आमदार रावल

Dhule News : दोंडाईचा (ता.शिंदखेडा) शहरातील राऊळ नगर परिसरात विविध कामाची कामे झाली असून सध्या जलकुंभ, रस्त्यांची कामे, आदी सहा कोटींची विकासकामे आहेत. त्यामुळे राऊळ नगराचा चेहरामोहरा बदलणार आहे असे प्रतिपादन आमदार जयकुमार रावल यांनी केले.

दोंडाईचा शहरातील राऊळ नगर परिसरात विविध विकास कामांचे भूमिपूजन व लोकार्पण आमदार श्री. रावल यांच्याहस्ते झाले. (Dhule Bhoomi Pujan of various development works in Dondaicha by mla Rawal)

यात विविध भागातील रस्ते, राऊळ नगर येथे जलकुंभ, सालदार वाडी येथे सार्वजनिक शौचालय, निरंकारी भवन येथे पेव्हर ब्लॉक, कबीरवाडी परिसरात शिवमंदिर, जुने गॅस गोडावून येथे शिवमंदिर सभागृह आदी कामांचे भूमिपूजन तर इतर भागातील काही रस्ते कामांचे लोकार्पण करण्यात आले.

याप्रसंगी आमदार श्री. रावल म्हणाले, की दोंडाईचा शहरातील राऊळ नगर या भागत मागील सत्ताधाऱ्यांनी विकासाच्या बाबतीत मोठा दुजाभाव केला. (latest marathi news)

त्यामुळे या भागाचा अनुशेष भरण्याचे काम करण्यात आले. मागील काळात या भागातील ओपन स्पेस सुशोभित करण्यात आल्या. तसेच अनेक रस्त्यांची कामे झाली. आता सद्यःस्थितीत सहा कोटींची विकासकामे मंजूर असून यातून या भागाचा चेहरामोहरा बदलणार आहे.

याप्रसंगी माजी बांधकाम सभापती जितेंद्र गिरासे, माजी नगरसेवक भरतरी ठाकूर, चंद्रकला सिसोदिया, आकाश कोळी, रामकृष्ण बडगुजर, पंकज बोरसे, नरेंद्र ठाकूर, सागर गिरासे, देवा पाटील, सागर ठाकूर तसेच परिसरातील नागरिक उपस्थित होते.