सबस्क्राईब करा
शिरपूर : खुनाच्या संशयितांना ताब्यात देण्याची मागणी करुन पोलिसांवर हल्ला केल्याच्या संशयावरुन सुमारे ८० जणांच्या जमावाविरोधात थाळनेर पोलिस ठाण्यात गुन्हा दाखल करण्यात आला. हल्ल्याची घटना आठ मेस रात्री साडेनऊ ते साडेदहाच्या दरम्यान भाटपुरा (ता. शिरपूर) येथे घडली होती. (Dhule Crime case filed Bhatpura murder case fallout news)
भाटपुरा येथे मद्याच्या नशेत आई-वडिलांना शिवीगाळ केल्याच्या कारणावरु पंढरीनाथ चौधरी याला त्याचा मेव्हणा नितीन चौधरी व मनोज चौधरी यांनी मारहाण केली होती. या घटनेत पंढरीनाथचा मृत्यू झाला. त्यानंतर थाळनेर पोलिसांनी घटनास्थळी जाऊन संशयितांना ताब्यात घेतले. घटनास्थळी मोठा जमाव आल्याचे पाहून शिरपूर पोलिसांनाही पाचारण करण्यात आले. संशयितांना ताब्यात देण्याची मागणी जमावाने करुन पोलिसांवर दगडफेक केली. (latest marathi news)
घटनेत थाळनेरचे पोलिस निरीक्षक बाळासाहेब थोरात, शिरपूरचे पोलिस निरीक्षक के.के.पाटील, उपनिरीक्षक दिलीप पवार, शेख, हवालदार रामोळे व आरसीपी पथकातील अंमलदार जखमी झाले. अश्रूधूर सोडून जमावाला पांगवणे भाग पडले होते. पोलिसांवर हल्ला, पोलिसांच्या वाहनाचे नुकसान, दंगलीच्या संशयावरुन अजय कोळी, हिंमत राजपूत, त्याचा मुलगा, आलिशान भिल, निंबा कोळी याचा मुलगा, दत्तात्रय देवरे, जितेंद्र गुजर, भाईसाहेब देशमुख, दरबार राजपूत, धर्मा कोळी, राजेंद्र राजपूत याचा मुलगा, भिकन मोरे याचा मुलगा, रोहिदास भिल, दरबार वंजारी, प्रकाश वंजारी, पिंटू भिलचा भाऊ व अन्य ७० ते ८० जणांच्या जमावाविरोधात गुन्हा दाखल करण्यात आला. उपनिरीक्षक दिलीप पवार तपास करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.