Dhule Drought News : दहावी, बारावीच्या विद्यार्थ्यांना दुष्काळामुळे शुल्क माफी लागू

Dhule Drought News : राज्य माध्यमिक व उच्च माध्यमिक शिक्षण मंडळातर्फे (राज्य मंडळ) राज्यातील दुष्काळग्रस्त भागातील दहावी आणि बारावीच्या विद्यार्थ्यांना परीक्षा शुल्कमाफी, शुल्क प्रतिपूर्ती देण्याचे जाहीर केले. त्यानुसार दुष्काळग्रस्त शिंदखेडा तालुक्यातील बारावीच्या व दहावीच्या विद्यार्थ्यांना शुल्कमाफी, शुल्क प्रतिपूर्ती मिळणार आहे. (Dhule Due to drought fee waiver for class 10th 12th students)

दुष्काळग्रस्त भागातील दहावी, बारावीच्या विद्यार्थ्यांच्या शुल्कमाफी, शुल्क प्रतिपूर्तीसाठी आवश्यक निधीचा प्रस्ताव शालेय शिक्षण विभागाच्या योजना विभागाकडून सादर करण्यात आला होता. २०२३ मध्ये धुळे जिल्ह्यात अत्यंत कमी पर्जन्यमान झाल्यामुळे ३१ ऑक्टोबर २०२३ च्या शासन निर्णयान्वये संपूर्ण शिंदखेडा तालुक्यात दुष्काळ जाहीर करण्यात आला आहे.

तसेच जिल्ह्यातील धुळे, साक्री, शिरपूर या तीन तालुक्यातील एकूण २८ महसूल मंडळांत दुष्काळसदृश परिस्थिती जाहीर झाली आहे. (latest marathi news)

दुष्काळग्रस्त भागातील दहावी, बारावीच्या विद्यार्थ्यांचे परीक्षा शुल्क माफ, शुल्क प्रतिपूर्ती करण्याची योजना आहे. त्या अनुषंगाने दुष्काळग्रस्त भागातील विद्यार्थ्यांनी शाळा, कनिष्ठ महाविद्यालयाशी संपर्क साधण्याबाबत राज्य मंडळाने विद्यार्थ्यांना, तसेच त्यासंदर्भातील कार्यवाहीबाबत शाळांना सूचना दिल्या आहेत.