Dhule Lok Sabha Constituency : चौघांच्या माघारीनंतर रिंगणात 18 उमेदवार

Dhule Lok Sabha Constituency : लोकसभेच्या धुळे मतदारसंघातील निवडणुकीसाठी सोमवारी (ता. ६) चौघांच्या माघारीनंतर १८ उमेदवार रिंगणात आहेत. त्यात ११ अपक्षांचा सहभाग आहे. मुख्य लढत भाजप आणि काँग्रेसच्या उमेदवारामध्ये होणार आहे. धुळे लोकसभा मतदारसंघासाठी ३ मे नामनिर्देशनपत्र दाखल करण्याचा शेवटचा दिवस होता. यात ३० उमेदवारांनी ४२ नामनिर्देशनपत्र दाखल केले. उमेदवारांच्या या अर्जांची ४ मेस छाननी पार पडली. ()

या छाननी प्रक्रियेत २२ उमेदवारांचे नामनिर्देशनपत्र वैध, तर ८ उमेदवारांचे नामनिर्देशनपत्र अवैध ठरले होते. माघारीचा सोमवारी शेवटचा दिवस असल्याने दुपारी तीनपर्यंत चार उमेदवारांनी अर्ज मागे घेतले. त्यामुळे निवडणुकीच्या रिंगणात १८ उमेदवार उरले आहेत. येत्या २० मेस सकाळी सात ते सायंकाळी सहा या वेळेत मतदान होणार असून, ४ जूनला सकाळी आठपासून शासकीय धान्य गोडाउन येथे मतमोजणी होणार असल्याचे जिल्हाधिकारी तथा जिल्हा निवडणूक निर्णय अधिकारी अभिनव गोयल यांनी सांगितले. (latest marathi news)

उमेदवार असे : जहूर अहमद मोहम्मद युसूफ (जम जम), बहुजन समाज पार्टी, शोभा दिनेश बच्छाव (इंडियन नॅशनल काँग्रेस), सुभाष रामराव भामरे (भारतीय जनता पक्ष), नामदेव रोहिदास येळवे (भारतीय जवान किसान पार्टी), शिवाजी नाथू पाटील (ऑल इंडिया फॉरवर्ड ब्लॉक), मुकिम मिना नगरी (भीम सेना), शेख मोहम्मद जैद शमीम अहमद (वेल्फेअर पार्टी ऑफ इंडिया), अब्दुल हफीज अब्दुल हक (अपक्ष)

इरफान मो. इसहाक (नादिर, अपक्ष), भरत बाबूराव जाधव (अपक्ष), मलय प्रकाश पाटील (अपक्ष), मोहम्मद आमिन मोहम्मद फारुख (अपक्ष), मोहम्मद इस्माईल जुम्मन (अपक्ष), राज चव्हाण (अपक्ष), शफीक अहमद मोहम्मद रफीक शेख (अपक्ष), ॲड. सचिन उमाजी निकम (अपक्ष), सुरेश जगन्नाथ ब्राह्मणकर (सुरेश बापू, अपक्ष), संजय रामेश्वर शर्मा (अपक्ष).