Dhule Rahul Gandhi Bharat Jodo Nyay Yatra : राहुल गांधींकडून रोहिदास पाटील यांची विचारपूस

Dhule Rahul Gandhi Bharat Jodo Nyay Yatra : भारत जोडो यात्रेनिमित्ताने धुळ्यात आलेल्या खासदार राहुल गांधी यांनी काँग्रेसचे ज्येष्ठ नेते माजी मंत्री दाजीसाहेब रोहिदास पाटील यांची देवपूर येथील त्यांच्या निवासस्थानी भेट घेतली. या वेळी त्यांनी गळाभेट घेत ‘कैसे हो दाजीसाहब!’ असे म्हणत तब्येतीची विचारपूस केली.

लताताई पाटील व अश्‍विनी पाटील यांनी श्री. गांधी यांचे औक्षण करून स्वागत केले. आमदार कुणाल पाटील यांच्या हस्ते त्यांचा सत्कार करण्यात आला. (Dhule occasion of Bharat Jodo Yatra Rahul Gandhi met senior Congress leader Dajisaheb Rohidas Patil at his residence)

श्री. गांधी यांनी माजी मंत्री पाटील यांची वैद्यकीय उपचाराबाबत माहिती जाणून घेतली, तसेच आरोग्याच्या टिप्स देत त्यांची तब्येतीची काळजी घ्यावी, असेही सांगितले. लताताई पाटील यांनी काँग्रेस नेत्या सोनिया गांधी यांच्याही तब्येतीबाबत श्री. गांधी यांना विचारले.

त्या वेळी त्यांनी थेट श्रीमती सोनिया गांधी यांच्याशी मोबाईलवर संपर्क साधला व लताताई पाटील यांचे बोलणे करून दिले. या वेळी श्रीमती गांधी यांनी माजी मंत्री पाटील यांच्याही तब्येतीची विचारणा केली.

काही मिनिटांच्या भेटीत राहुल गांधी यांनी चहा घेत पाटील परिवारात एकरूप झाले. रोहिदास पाटील यांचे गांधी परिवाराशी असलेले ऋणाबंध यानिमित्ताने अधिक घट्ट झाल्याचे पाहायला मिळाले. (latest marathi news)