धुळे- आगामी सण- उत्सवाच्या पार्श्वभूमीवर पोलिस दलाने शुक्रवारी (ता. २८) सायंकाळी पाच ते मध्यरात्री बारापर्यंत जिल्हाभरात अनपेक्षितपणे नाकाबंदी व ऑपरेशन ऑल आऊट राबविले. त्याचा मोठा दणका गुन्हेगारी वर्तुळाला बसला. यात ३ गावठी पिस्टल, मॅगझीनसह ६ जिवंत राऊंड, तसेच दरोड्याच्या तयारीत असलेल्या सहा संशयितांना दोन वाहनांसह ताब्यात घेतले. तसेच अवैध व्यवसायांवर धडक कारवाई करत ३९३ चारचाकी व दुचाकी वाहने, ८० हॉटेल्स, २३ हिस्ट्रिशिटर्सची झडती घेण्यात आली.