धुळे- औषधांचा नशेसाठी काळाबाजार करणाऱ्या खुर्द बुद्रुक (ता. शिरपूर) येथील दोघा वीस वर्षीय तरूणांना धुळ्यात एलसीबीच्या पोलिसांनी अटक केली. त्यांच्याकडून औषधांसह वाहन मिळून एक लाख ४५ हजाराचा मुद्देमाल जप्त करण्यात आला..जिल्हा पोलिस अधीक्षक श्रीकांत धिवरे यांनी मानवी मेंदूवर विपरीत परिणाम घडवून आणणाऱ्या गुंगीकारक औषध (कफ सिरप) व टॅबलेट विनापरवानगी बाळगणे व विक्री करणाऱ्यांवर कायदेशीर कारवाईचे निर्देश पोलिस दलास दिले आहेत. यात एलसीबीचे पोलिस निरीक्षक श्रीराम पवार यांना सोमवारी (ता. २४) धुळे शहरातील श्री संतोषीमाता मंदिर चौकातील शिवतीर्थाजवळ काही औषधांचा नशेसाठी काळाबाजार होणार असल्याची माहिती मिळाली. .ज्युपिटर मोपेडवर (एमएच १८ बीवाय ९६०४) कल्पेश गोकुळ जगदाळे (वय २०), अजय श्रावण कोळी (वय २०, दोघे रा. खर्दे बु., ता. शिरपूर) संशयास्पद जाताना पोलिस पथकाने पकडले. त्यांची झडती घेतली चार बॉक्समध्ये ३५ हजार ८३२ किमतीचे मानवी मेंदूवर विपरीत परिणाम घडवून आणणारे गुंगीकारक औषध कफ सिरप व झोप येण्यासाठीच्या गोळ्या आढळल्या. संशयितांकडे शंभर एमएलच्या कोडीस्टार- एनएफ या कफ सिरपच्या २१६ सिलबंद बाटल्या, अल्प्राझोलम या झोपेच्या एकूण बाराशे गोळ्या आढळल्या. विनापरवाना विक्रीचा उद्देश लक्षात घेता या संशयितांवर विविध कलमान्वये शहर पोलिस ठाण्यात गुन्हा दाखल झाला. .संशयितांकडून प्रत्येकी दहा हजाराचा मोबाईल, ९० हजार किमतीची मोपेड आदी मुद्देमाल जप्त करण्यात आला. पोलिस अधीक्षक धिवरे, अपर पोलिस अधीक्षक किशोर काळे यांच्या मार्गदर्शनाखाली एलसीबीचे पोलिस निरीक्षक श्रीराम पवार, सहाय्यक पोलिस निरिक्षक श्रीकृष्ण पारधी, उपनिरीक्षक बाळासाहेब सूर्यवंशी, अमित माळी, औषध निरिक्षक किशोर देशमुख, सहायक पोलिस उपनिरीक्षक संजय पाटील, हवालदार मच्छिंद्र पाटील, योगेश चव्हाण, हेमंत बोरसे, प्रल्हाद वाघ, प्रकाश सोनार व हेमंत पाटील यांनी ही कारवाई केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
