Dhulesakal
उत्तर महाराष्ट्र
Dhule News : जनावरांच्या विक्रीसाठी टॅग बंधनकारक करा, स्वतंत्र यंत्रणा नेमा; अग्रवाल यांची मागणी
MLA Anup Agarwal Raises Alarm Over Illegal Cattle Trade : धुळे जिल्हाधिकारी भाग्यश्री विसपुते यांच्यासमवेत आमदार अनुप अग्रवाल यांनी जनावरांची विनाईअर टॅग विक्री, अतिक्रमण व मांस विक्री यावर चर्चा केली.
धुळे- जनावरे विक्रीसाठी आणताना त्यांना ईअर टॅग लावणे बंधनकारक आहे. मात्र, धुळे बाजार समितीसह सर्वत्र विनाईअर टॅग जनावरांची अवैध विक्री होत आहे. पशुसंवर्धन विभागाकडूनही काहीच कारवाई होत नाही. उलट पशुवैद्यकीय अधिकाऱ्यांसह संबंधितांकडून बनावट ईअर टॅग व दाखले दिले जात असून, यात लाखोंचा गैरव्यवहार होत आहे. या सर्व प्रकाराला आळा घालून प्रत्येक विक्री होणाऱ्या जनावराला ईअर टॅग बंधनकारक करावा, त्यासाठी यंत्रणा नियुक्त करावी, अशी मागणी आमदार अनुप अग्रवाल यांनी जिल्हाधिकारी भाग्यश्री विसपुते यांच्याकडे केली.