Dhule Crime : शेतातून 6 लाखांचा गांजा जप्त

Dhule News : नटवाडे (ता. शिरपूर) येथील भुईमुगाच्या शेतात जोपासलेली गांजाची झाडे शहर पोलिसांनी उपटून काढली. २ मेस सायंकाळी केलेल्या या कारवाईत दोन क्विंटलपेक्षा अधिक गांजा जप्त करण्यात आला. (From farm in Natwade Shirpur Ganja worth 6 lakh seized dhule crime news)

शहर पोलिस ठाण्याचे निरीक्षक ए. एस. आगरकर यांना नटवाडे येथे गांजाची लागवड केल्याची माहिती मिळाली होती. त्यांनी शोधपथकासह कारवाईसाठी नटवाडे येथे धाव घेतली. सुळे फाट्यापासून काही अंतरावर असलेल्या भुईमुगाच्या शेतात आणि बांधावर गांजाची झाडे आढळून आली. पोलिसांनी ती उपटून काढली.

हेही वाचा : संतुलित आहारातून रोखा फॅटी लिव्हरचा आजार

त्यांचे वजन दोन क्विंटल ९१ किलो ३० ग्रॅम भरले. बाजारभावानुसार या मुद्देमालाची एकूण किंमत पाच लाख ८२ हजार रुपये आहे. शेतमालक हरचंद जोगी पावरा (रा. नटवाडे) याच्याविरोधात गांजाची लागवड केल्याच्या संशयावरून गुन्हा दाखल करण्यात आला. पोलिस निरीक्षक ए. एस. आगरकर यांच्या नेतृत्वाखाली पोलिस ठाण्याच्या शोधपथकाने ही कारवाई केली.