Sarika Chavan : फॉर्मिंग ज्वेलरीने बसवली संसाराची घडी

सातारा : घरकाम करणे, मुलांच्या शिक्षणाकडे लक्ष देणे, कुटुंबीयांची देखभाल करणे एवढ्यापुरतेच महिलांचे काम मर्यादीत नाही तर जिद्द, चिकाटी, परिश्रमांच्या जोरावर एक ग्रामीण भागातील महिलाही यशस्वी उद्योजिका होवु शकते हे कोपर्डे हवेली (ता. कऱ्हाड) येथील सारीका सचीन चव्हाण यांनी स्वकर्तुत्वातुन सिध्द करुन दाखवले आहे..घरची परिस्थिती हालाखीची असल्याने संसाराचा गाडा चालवण्यासाठी त्यांनी घरी केक तयार करुन ते विकण्यास प्रारंभ केला. त्यातुनही पैशांची चणचण भासत असल्याने त्यांनी एका फॉर्मिंग ज्वेलरीमध्ये काम करण्यास प्रारंभ केला. तेथे चार-पाच वर्षे कार्यरत असताना त्यांना कौटुंबीक अडचणीला सामोरे जावे लागले..मुलांची देखभाल, त्यांच्या शिक्षणाकडे दुर्लक्ष होत असल्याची खंत त्यांच्या मनात होती. त्यातुन धडा घेवुन त्यांनी स्वतःचे फार्मिंग ज्वेलरीचे दुकान सुरु करण्याचा मानस केला. त्यासाठी भांडवल उभे करताना त्यांनी बॅंकांच्या पायऱ्या झिजवल्या. मात्र त्यांना अपेक्षीत असलेले कर्ज मिळाले नाही. मात्र तरीही त्यांनी जिद्द, चिकाटी, परीश्रमांच्या जोरावर या व्यवसायात भरारी घेतली. परिस्थितीशी संघर्ष करत त्यातुन नशीबाचे दार त्यांनी स्वतःहुन उघडले. त्यांच्या आज तीन शाखा सुरु करुन स्वतःचा वेगळा ब्रॅण्डही तयार केला आहे. .सारीका चव्हाण यांचे कोपर्डे हवेलीत छोटेसे घर होते. त्यामध्ये पती, दोन मुले यांच्यासमवेत त्या राहतात. लग्नानंतर त्यांनी केवळ चुल आणि मुल यापुरतेच मर्यादीत न राहता स्वकर्तुत्वातुन मोठे होण्याचे स्वप्न बाळगले. त्यासाठी त्यांनी पहिल्यांदा घरच्या घरी केक तयार करुन ती विकण्यास प्रारंभ केला. मात्र त्यात म्हणावा तेवढा आर्थिक हातभार लागत नव्हता. त्यानंतर त्यांनी कुटुंबीयांसमवेत चर्चा करुन कऱ्हाडमधील एका फॉर्मिंग ज्वेलरीमध्ये काम करण्यास प्रारंभ केला. तेथे काम करताना त्यांचे कुटुंबियाकडे दुर्लक्ष होवु लागले. सकाळी दहा वाजता आलेल्या सौ. चव्हाण यांना घरी जाण्यासाठी रात्री दहा वाजत होते. त्यामुळे त्यांचे मुलांकडे दुर्लक्ष होत होते. त्याचबरोबर त्यांना स्वतःचा व्यवसाय करण्याचा निर्धार गप्प बसुन देत नव्हता. त्यामुळे त्यांनी स्वतःचेच फॉर्मिंग ज्वेलरीचा व्यवसाय सुरु करण्याचा मानस केला..त्यासाठी त्यांनी कुटुंबायसमवेत चर्चा करुन भांडवल उभे करण्यास प्रारंभ केला. त्यावेळी त्यांनी दागीने गहाण ठेवुन काही भांडवल उभे केले. तर उर्वरीत भांडवलासाठी त्यांनी बॅंकांकडे कर्जाची मागणी केली. सौ. चव्हाण यांची आर्थिक परिस्थिती बेताची असल्याने त्यांना व्यवसायासाठी कर्ज देताना बॅंकांनी नाकं मुरडली. त्यांनी एक लाख कर्ज मागितले असताना त्यांना एका बॅंकेने ५० हजार रुपयांच कर्ज दिले. त्यातुन त्यांनी कऱ्हाडमध्ये स्वतःचा फॉर्मिंग ज्वेलरीचा व्यवसाय सुरु केला. त्यानंतर त्यांनी मागे वळुन पाहिलेच नाही. त्या फॉर्मिंग ज्वेलरीमध्ये त्यांना जिद्द, चिकाटी आणि मेहनतीच्या जोरावर यश मिळु लागले. महिलांना आवश्यक असलेले दागीने मिळु लागल्याने त्यांचीही पसंती त्यांच्या फॉर्मिंग ज्वेलरीला मिळु लागली. त्त्यानंतर त्यांनी तेथे दोन महिलांना रोजगाराची संधी दिली. त्यामध्ये जम बसतो आहे हे लक्षात आल्यावर सौ. चव्हाण यांनी इस्मामपुरमध्ये त्यांच्या फॉर्मिंग ज्वेलरीचीशाखा सुरु केली. त्यावेळी थोडी आर्थिक ओडातान झाली. मात्र त्यातुनही सावरुन त्यांनी तेथेही चांगलाच जम बसवला. तेथेही चार महिलांना रोजगाराची संधी त्यांनी मिळवुन दिली. .त्यानंतर त्यांनी नुकतीच इचलकरंजी येथे तिसरी शाखा सुरु केली आहे. तेथेही त्यांचा जम बसतो आहे. या व्यवसायातुन त्यांनी यशस्वी उद्योजिका म्हणून नावलौकिक मिळवला आहे. एकेकाळी ज्या बॅंका त्यांनी कर्ज देत नव्हत्या त्या बॅंका आज त्यांच्यामागे कर्ज घ्या म्हणुन मागे लागत आहेत. आपल्या कर्तुत्वातुन एक ग्रामीण भागातील महिलाही यशस्वी उद्योजीका होवु शकते हे सौ. चव्हाण यांनी आपल्या कार्यातुन सिध्द केले आहे. सारीका चव्हाण यांच्या योगदानामुळे चव्हाण कुटुंबियांच्या संसाराची घडी बसलेली आहे. हलाखीच्या परिस्थितीने त्यांना परिस्थितीशी झगडावे लागले. मात्र त्यांच्या व्यवसायाने त्यांना अच्छे दिनही दाखवले आहेत..१२ महिलांचे उभे केले संसार आपण ज्यावेळी व्यवसाय सुरु करत होतो, त्यावेळी आपल्याला मोठ्या हालअपेष्ठा सहन कराव्या लागल्या. त्याची आठवण सौ. चव्हाण यांना नेहमी होते. त्यांनी सुरु केलेल्या फॉर्मिंग ज्वेलरी व्यवसायासाठी त्यांच्याकडे १२ महिला कामास आहेत. त्यांच्या फॉर्मिंग ज्वेलरीच्या माध्यमातुन त्यांनी संबंधित महिलांचे संसार उभे करण्याचे काम सामाजीक बांधीलकीतुन केले आहे. त्याव्दारे त्यांचे एक व्यावसायीक कुटुंबही तयार झाले आहे. .Women's Day Special : पतीच्या निधनानंतर ‘तीच’ बनली कुटुंबाचा आधार, वीज कर्मचारी ललिता कुटे यांचा प्रेरणादायी प्रवास .ग्रामीण भागातील महिलाही जिद्दीने पुढे आल्यास त्याही यशस्वी व्यावसायिक होतात हे मी सिध्द केले आहे. माझ्या भगिंनीही कोणताही व्यवसाय करताना मनात भित न बाळगता मोठ्या धैर्याने पुढे यावे. त्यांना व्यवसाय सुरु करण्यासाठी आवश्यक ते मार्गदर्शन करण्यासाठी मी तयार आहे. सारिका चव्हाण.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.