Jalgaon Airport : नाशिक कुंभमेळ्यापूर्वी जळगाव विमानतळ विस्तारीकरण पूर्णत्वास? 'ऍप्रॉन' आणि टर्मिनल इमारतीच्या कामाला गती

जळगाव: उत्तर महाराष्ट्रातील महत्त्वाच्या जळगाव विमानतळाच्या विस्तारीकरणाच्या कामाला चालना मिळाली असून, भारतीय विमानतळ प्राधिकरणाची उच्च व्यवस्थापन समिती, तसेच ‘एसओडब्ल्यू’कडून विमानतळावरील वाढीव ‘ऍप्रॉन’ला मंजुरी मिळाली. तसेच, आधीच्या इमारतीला लागूनच वाढीव टर्मिनल इमारतीला नोव्हेंबरमध्येच मंजुरी मिळाली असल्याने जळगाव विमानतळ विस्तारीकरण, आधुनिकीकरण आणि प्रवासी सुविधांचा यामुळे विस्तार होणार आहे.