शिवसेना-भाजप सदस्यांमध्ये खडाजंगी ! 

जळगाव ः आमदार सुरेश भोळे यांनी जिल्हाधिकारी कार्यालयात नुकत्याच दिशा बैठकीत महापालिकेच्या अधिकाऱ्यांवर माझी आमदारकीचा राजीनामा घेण्याची सुपारी घेतल्याचा आरोप केला होता. याचा पडसाद शुक्रवारी झालेल्या महापालिकेच्या स्थायी समितीच्या सभेत पाहण्यास मिळाला. हुडकोतील घरकुल दुरुस्तीच्या मुद्यावरून शिवसेनेच्या सदस्यांनी भाजपचे पदाधिकारी हे त्याचे अपयशाचे खापर अधिकाऱ्यांच्या डोक्‍यावर फोडत असल्याचे आरोप केल्याने सत्ताधारी भाजप व विरोधीपक्ष शिवसेनेच्या सदस्यांमध्ये चांगलीच खडाजंगी झाली. 

नक्की पहा :  आमदार भोळेंचे जनतेवर पुतना मावशीचे प्रेम ः अभिषेक पाटील 
 

जळगाव शहर महापालिकेची स्थायी समितीची सभा आज सकाळी अकरा वाजता स्थायी समिती सभापती डॉ. शुचिता हाडा यांच्या अध्यक्षतेखाली झाली. यावेळी सभेत शिवसेनेचे सदस्य नितीन लढ्ढा यांनी सभागृहात बोलतांना म्हणाले, की ज्या रस्त्यासाठी विरोधकांनी आंदोलन करून समस्या मांडल्या पाहिजे होत्या. त्या सत्ताधारी सदस्यच सभागृहात समस्या मांडतात तसेच रस्त्यासाठी त्यांना आंदोलन करावे लागत आहे. त्यामुळे सत्ताधारी सदस्य व पदाधिकाऱ्यांमध्ये समन्वय नसल्याचे यावरून स्पष्ट होत असल्याचे आरोप केले. यावर भाजपचे गटनेते भगत बालाणी यांनी विरोधीपक्षाच्या सदस्यांना या मागे तुमचेच हात असल्याचे आरोप त्यांनी यावेळी केले. 
 

आर्वजून पहा ः नियम मोडल्याने तहसीलदार, पोलिसांच्या वाहनांवरही कारवाई