नवरा- बायोकोंचे असेही नशीब; या गावात पाच जोडपी कारभारी | Sakal
sakal

बोलून बातमी शोधा

gram panchayat election


ग्रामपंचायत निवडणुकीत अनेक दिग्‍गजांना पराभवाचा सामना करावा लागला. अर्थात तरूण पिढीकडे ग्रामपंचायतीचा कारभार सोपविला आहे. ग्रामपंचायत निवडणुकीत दीर भावजाय, सासू- सुन, काका- पुतण्या अशी लढत पाहण्यास मिळाली. पण पाच अशा ग्रामपंचायती आहेत; जेथे नवरा- बायकोंचे नशीबच खुलले. पती- पत्‍नी निवडणुकीच्या रिंगणारा उभे राहिले आणि जिंकले देखील.

नवरा- बायोकोंचे असेही नशीब; या गावात पाच जोडपी कारभारी

तळोदा (नंदुरबार) : तळोदा तालुक्यातील ७ ग्रामपंचायतींचा निवडणुकीचा निकाल घोषित झाला असून यात एक वेगळाच योगायोग बघण्यास मिळाला. या निवडणुकीत चक्क ५ पती- पत्‍नीच्या जोडप्यांनी विजय मिळवला आहे. त्यामुळे एकाच ग्रामपंचायतीमध्ये पती- पत्‍नी यापुढे ग्रामपंचायत सदस्य म्हणून काम करणार आहेत.  
तळोदा तालुक्यातील रोझवा पुनर्वसन, पाडळपूर, रेवानगर, नर्मदानगर, बंधारा, सरदारनगर व राणीपुर या सात ग्रामपंचायतींच्या निवडणुकीचा निकाल सोमवारी घोषित करण्यात आला आहे. निकालानंतर प्रमुख प्रतिस्पर्धी असलेले भाजप व काँग्रेसने प्रत्येकी ४ ग्रामपंचायती ताब्यात घेतल्याच्या दावा- प्रतिदावा केला आहे. कोणाचा दावा किती खरा, खोटा आहे, हे येत्या काही दिवसात कळेलच. मात्र घोषित करण्यात आलेल्या निकालात एक वेगळाच अजब योग बघावयास मिळाला असून चक्क ५ जोडपींनी या निवडणुकीत विजय मिळवला आहे. आता ही ५ पातीपत्‍नीची जोडी कशा पद्धतीने आपापल्या ग्रामपंचायतीच्या विकास साधतात हे बघणे औत्सुक्याचे ठरणार आहे. 
 
विजयी ५ पती-पत्‍नीच्या जोड्या 
बंधारा येथील प्रभाग क्रमांक १ मधून विजयसिंग पाडवी यांनी तर याच प्रभागातून त्यांच्या पत्नी सुनीता पाडवी. पाडळपूर येथे तर चक्क २ जोडप्यांनी विजय मिळवला आहे. पाडळपूर येथील प्रभाग क्रमांक १ मधून सुरुपसिंग ठाकरे यांनी, तर याच प्रभागातून त्यांच्या पत्नी सुमित्राबाई ठाकरे आणि प्रभाग क्रमांक ३ मध्ये देवीलाल ठाकरे यांनी व त्यांच्या पत्नी भांगुबाई ठाकरे यांनी आपल्या प्रतिस्पर्धी उमेदवारांचा पराभव करत ग्रामपंचायतमध्ये सदस्य म्हणून प्रवेश केला आहे. नर्मदानगर येथील प्रभाग क्रमांक २ मधून पुन्या वसावे यांनी तर प्रभाग क्रमांक ३ मधून त्यांच्या पत्नी दोंगीबाई वसावे यांनी विजय मिळवला आहे. सरदार नगर येथील प्रभाग क्रमांक १ मधून रमेश तडवी यांनी तर याच प्रभागातून त्यांच्या पत्नी कविताबाई तडवी यांनी विजय मिळवला आहे.  

संपादन ः राजेश सोनवणे
 

Web Title: Marathi Nandurbar News Five Gram Panchayat Couples Charge Five Villages

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :BjpCongressNandurbar
go to top