कोरोनाचा पहिला गुन्हा दाखल

police case corona
police case corona

अमळनेर- येथील एक दाम्पत्य हे थायलंड व बँकॉक येथे फिरण्यासाठी गेले होते. मात्र ही बाब लपवत होते. कोरोना बाबत तपासणी करणाऱ्या पथकपासून खरी माहिती लपविली व शासनाची दिशाभूल केली म्हणून त्याच्या विरुध्द गुन्हा करण्यात आला आहे. हा गुन्हा राज्यातील  पहिला गुन्हा असावा.
या दाम्पत्याला सद्यस्थितीत 15 दिवसासाठी स्वयंम विलीनीकरण करण्यात आले आहे.  सद्यस्थितीत त्याना कोरोनाची लक्षणे नसली तरी त्यावर आरोग्य पथक लक्ष ठेवून आहे.


हे  दाम्पत्य 15 मार्चला अमळनेर ला आले होते. परदेशातून आलेल्या व्यक्तींनी दक्षता म्हणून कोरोना तपासणी करण्याबाबतचे आवाहन प्रशासनाने केले होते. मात्र त्यांनी ही माहिती लपवून ठेवली. कोरोना व्हायरस वैद्यकीय तपासणी करण्यासाठी पथक हे दोन ते तीन वेळा त्यांच्याकडे गेले असता त्यांनी पुणे येथे गेलो असल्याचे सांगितले होते. मात्र पथकासमवेत पोलीस शरद पाटील गेल्यावर खरी माहितीसाठी पोलिस खाकी दाखवताच आम्ही थायलंड व बँकॉक येथे फिरण्यासाठी गेलो असल्याचे कबूल केले. शासनाची दिशाभूल केली म्हणून प्रांताधिकारी सीमा अहिरे यांच्या निर्देशानुसार तालुका वैद्यकीय अधिकारी डॉ गिरीश गोसावी यांनी त्या दाम्पत्याविरुद्ध साथ रोग अधिनियमन 1897 च्या अंमलबजावणीच्या आदेशाचे उल्लंघन केल्याने 2 (अ) व 3 भदवि कलम 188 प्रमाणे कायदेशीर फिर्याद देऊन येथील पोलीस स्टेशनला गुन्हा दाखल करण्यात आला आहे. हेड कॉन्सटेबल बापू साळुंखे पुढील तपास करीत आहेत. हा गुन्हा महाराष्ट्रात पहिला गुन्हा दाखल झाला असावा. दरम्यान आतापर्यंत शहरात दोन दाम्पत्य व एक तरुण असे 5 जण परदेशात गेले होते. त्यांना सद्यस्थितीत प्रतिबंधक उपाय म्हणून 15 दिवसासाठी स्वयंम विलीनीकरण करण्यात आले आहे.  सद्यस्थितीत त्याना कोरोनाची लक्षणे नसली तरी त्यावर आरोग्य पथक लक्ष ठेवून आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com