esakal | दोन दिवस "ती' होती बेपत्ता...तिसऱ्या दिवशी सापडली रेल्वे ट्रॅकवर
sakal

बोलून बातमी शोधा

railway track.

राज्यात नव्हे तर देशात मुलींवर अत्याचार होण्याच्या घटना रोज घडत आहेत. अत्याचार करून ठार मारून टाकण्याच्या घटना देखील घडत आहेत. त्यानुसार गेल्या दोन दिवसांपासून बेपत्ता असलेल्या पंधरा वर्षीय मुलाचा मृतदेह रेल्वे ट्रॅकवर आज आढळून आला. यामुळे या पंधरा वर्षीय मुलीचा रेल्वेच्या धक्‍क्‍याने मृत्यू की खून झाला; असा संशय व्यक्‍त केला जात आहे. यातील तथ्य पोलिस तपासात समोर येईल.

दोन दिवस "ती' होती बेपत्ता...तिसऱ्या दिवशी सापडली रेल्वे ट्रॅकवर

sakal_logo
By
सकाळ वृत्तसेवा

जळगाव : शहरातील कांचननगरातील रहिवासी तसेच नंदिबाई विद्यालयातील पंधरावर्षीय विद्यार्थीनी शनिवार (ता.15) पासुन बेपत्ता होती. सकाळी आसोदा रेल्वेगेटवरील गेटमनला रेल्वेरुळापासून 9 मिटर लांब झुडपात अनोळखी तरुणीचा मृतदेह आढळून आला. शनिपेठ पोलिसांना संपर्क केल्यावर तत्काळ पोलिसांनी धाव घेत मृतदेह जिल्हारुग्णालयात दाखल केल्यावर मृतदेहाची ओळख पटली. कोमल हिरामण सोनवणे (वय-15) असे, मयत मुलीचे नाव असून शनिपेठ पेलिसांत अकस्मीक मृत्युची नोंद करण्यात आली आहे. 

हेपण वाचा - बांभोरीनं नाव लेशी कारे भो...असे लिहत केली चोरी 

कोमल हिरामण सोनवणे (वय-15) हि नंदिनीबाई विद्यालयात इयत्ता दहावीचे शिक्षण घेत होते. कोमल शनिवार (ता.15) पासुन घरातून बेपत्ता झाली होती, कुटूंबीयांनी दिवसभर शोध घेवुन रात्री शनिपेठ पोलिस ठाण्यात तक्रार दिल्यावरुन अज्ञात तरुणाच्या विरुद्ध अपहरणाचा गुन्हा दाखल करण्यात आला होता. आज सकाळी पावणे नऊवाजेच्या सुमारास आसोदा रेल्वेगेटवरील गेटमन सनकलाल दुबे यांना रुळापासून बऱ्याच लांब झुडपात मृतदेह पडल्याचे आढळून आले. दुबे यांनी स्टेशन मास्टर आणि शनिपेठ पोलिसांना कळवल्यावरुन पोलिसांनी घटनास्थळी धाव घेतली. असोदा रेल्वेगेट जवळ मृतदेह आढल्याचे वृत्त कळताच कांचनगर, जैनाबादसहीत परिसरातील रहिवाश्‍यांनीही धाव घेतली. मृतदेह उचलून जिल्हा रुग्णालयात आणण्यात आल्यावर परिसरातील रहिवाश्‍यांसह मुलीचे वडील हिरामण सोनवणे यांनी मृतदेह पाहताच हंबरडा फोडला. मुलीची ओळख पटल्यावर पंचनामा करुन शवविच्छेदनास सुरवात करण्यात आली. 

खुन की, रेल्वेचा धक्का ! 
मयत कोमल सोनवणे हिचा मृतदेह रेल्वेरुळापासून तब्बल 9 मिटर लांब झुडपात खड्ड्याजवळ सापडला. रेल्वेचा धक्का लागून नऊ मिटरपर्यंत मृतदेह फेकला जाईल या बाबत पोलिसांना शंका आहे. मयत मुलीचा उजवा हात व दोन्ही पाय फ्रॅक्‍चर असून एका पायाचे हाड बाहेर निघलेल्या अवस्थेत होते. नाकातोंडातून रक्त निघालेले असून मृत्यु नंतर मृतदेह रेल्वेरुळा शेजारी आणुण टाकला की, कसे या बाबत निरीक्षक विठ्ठल ससे, सहाय्यक फौजदार सलिम पिंजारी तपास करीत आहेत. 

पित्याचा आक्रोशीत मागणी 
हिरामण सोनवणे ऑटोरिक्षा चालवून कुटूंबीयांचा उदनिर्वाह करतात, मयत मुलीच्या कुटूंबात आई मंगलाबाई, भाऊ प्रिन्स, यशराज, लहान बहिण सोनी असा परिवार आहे. शनिवार पासून कोमल घरातून बेपत्ता झाली होती. आज तिचा मृतदेह आढळल्याने कुटूंबयांनी प्रचंड आक्रोश केला.
 

loading image