स्वातंत्र्याच्या तब्बल 75 वर्षानंतर गावात फडकला तिरंगा झेंडा

शनिमांडळ : तालुक्यातील आसाणे पासून 3 किमी अंतरावर जंगलात (Forest) मेंढ्या चारणारा समाज हा ठेलारी समाज (Thelari society) म्हणून ओळखला जातो. सदर समाज हा चारा ज्या भागात असेल त्या भागात स्थलांतर करत असतो. परंतु आसाणे येथे मूळ ठिकाण असलेल्या ठेलारपाडा वस्ती ठिकाणी शेती (Farm) व घर स्थायिक केले आहेत.

पण तरीही 6 महिने पावसाळ्याचे येथे शेती व चाऱ्यासाठी राहतात अन 6 महिने उन्हाळ्याचे जिकडे पाणी व हिरवा चारा उपलब्ध होईल तिकडे स्थलांतर करतात,नेमकी हीच गोष्ट आसाणे येथील भारत पाटील, रवींद्र कांचन पाटील, सावळीराम ठेलारी,सखाराम ठेलारी, मंगा ठेलारी अरुण पाटील, समाधान पाटील,आत्माराम पाटील या सामाजिक कार्यकर्त्यांनी हेरली व वर शासन दरबारी तत्कालीन मंत्री व जिल्ह्याचे पालकमंत्री जयकुमार भाऊ रावल व खासदार हिना गावित,व आमदार श्री विजयकुमार गावित साहेब यांना पाठपुरावा करून जिल्हापरिषद मार्फत ठेलारपाडा वस्तीवर प्राथमिक शाळा मजूर करून हक्काची शाळा मिळवून दिली.

आणि तिरंगा झेंडा फडकला..

कधी काळी शालेय शिक्षणापासून वंचित असणारा मेंढपाळ समाज, जागा मिळेल तेथे चूल मांडणाऱ्या समाज शिक्षणाच्या प्रवाहात आला. तेथील समाजाला हक्काचा स्वातंत्र्याचा तिरंगा झेंडा मिळाला. या प्रसंगी थेतील ज्येष्ठ नागरिक श्री घमा ठेलारी यांना झेंडावंदन करण्याचा मान देण्यात आला.