नंदुरबारमध्ये अक्षयतृतीयेच्या पूर्वसंध्येला बाजारपेठेत उसळली गर्दी !

नंदुरबार ः अक्षयतृतीया (Akshay Tritiya Festival ) म्हणजेच खानदेशातील (Khandesh) आखाजी, आखाजीचा सण म्हटला म्हणजे घराघरात पुरणपोळी व आंब्याचा (mango) रस ही मेजवानी ठरलेलीच असते.त्यासोबतच घरात पूर्वजनांचे स्मरण, पूजन आणि अक्षय पूजा किंवा घागर पूजनाला म्हत्व असते. त्यामुळे साडे तीन मुहुर्तापैकीच असलेला व वर्षातून येणाऱी ही आखाजी उद्या (ता.१३) सर्वत्र साजरी होत आहे. त्या पार्श्‍वभूमीवर या अक्षयतृतीयेचा पूर्वसंध्येला आज लॉकडाऊनची (lockdown) मर्यादा पाळत नागरिकांनी खरेदीसाठी बाजारपेठेत एकच गर्दी (market shopping crowd) केली होती.

(Nandurbar city akshay tritiya festival market shopping crowd)

साडेतीन मुहुर्तापैकी एक मानला जाणाऱ्या आखाजी या सणाला खानदेशात विशेष महत्व आहे. या सणानिमित्त सासूरवाशिणी माहेरी येतात, आपल्या बालपणीचा मैत्रिणी एकत्र जमून जुन्या आठवणींना उजाळा देतात.घरोघरी दारापुढे, चौकातील झाडांना बांधलेले झोके व त्यावर दूरवर हिंदोळे घेणाऱ्या मैत्रिणी, खानदेशी भाषेतून अर्थात अहिराणी भाषेतून बालपणीचा साचेब्ध केलेले व ग्रामीण भागातील जीवन शैलीचे वर्णन असलेले गीतांचा स्वरांनी परिसर दणदणून जातो. घरोघरी पुरणपोळी व आंब्याचा मेजवाणीचा दरवळणारा सुगंध यामुळे ग्रामीण भागात तर एक वेगळेच वातावरण दिसून येते. त्यामुळे या सणाला विशेष महत्व आहे.