भयंकर : एकाच दिवशी स्मशानभूमीत कोरोनाच्या तब्बल.. 27 मृतदेहांवर अंत्यसंस्कार

नंदुरबार : येथील स्मशानभूमीत आज सत्तावीस जणांवर अंत्यसंस्कार करण्यात आले. त्यात दोन कोरणा रुग्णांचा मृत्यू झाल्यानंतर त्यांच्या नातेवाईकांनी मृतदेह जिल्हा रुग्णालयात सोडून निघून गेल्याने दोन दिवस प्रतीक्षा केल्यानंतर आज त्या दोन्ही रुग्णांवर बेवारस म्हणून नगरपालिकेने अंत्यसंस्कार केले आहेत.

शासन-प्रशासन कोरोना च्या उद्रेक थांबवण्यासाठी अहोरात्र प्रयत्न करीत आहे. आत्तापर्यंत अनेक उपाय योजना करण्यात आले. मात्र अद्याप प्रभावी ठरले नाही त्याउलट पहिल्या लाटे पेक्षा सध्याच्या दुसऱ्या लाटेत कोरोना रुग्णांची संख्या मोठ्या वाढत आहे. ही संख्या डोळे भिरभिरवणारी आहे. कोणाचा घोळक्यात सापडलेले अनेक रुग्ण बरे होत असतानाच अनेक तरुणांनाही जीव गमवावा लागत आहे.

मृतांचा आकडा मोठा

एकीकडे जिल्हा रुग्णालय हाउसफुल झाले आहे तर दुसरीकडे खासगी रुग्णालयांमध्ये बेडच उपलब्ध नाहीत. त्यामुळे अनेक रुग्णांना लगतचा गुजरात राज्यातील सुरत येथे उपचारासाठी दाखल करीत आहेत. त्यामुळे दिवसेंदिवस धोरणाची परिस्थिती गंभीर बनत आहे आजच्या मृतांचा आकडा डोळे भिरभिरवणारा आहे. आज तब्बल 27 मृतदेहांवर नंदुरबार येथील स्मशानभूमीत अंत्यसंस्कार करण्यात आले हे सर्व धोरणाचे बळी ठरलेले मृतदेह होते.

447 रुग्ण झाले बरे

कोविड-19 उपचाराअंती बरे झालेल्या रुग्णांची तालुकानिहाय माहिती

14 एप्रिल 2021

नंदुरबार-266

शहादा-83

नवापूर-66

तळोदा-29

अक्कलकुवा-03

एकूण-447