Criem News : नंदुरबार पोलिसांची कामगिरी; गोविंदनगर घरफोडीचा २४ तासांत छडा!

नंदुरबार- शहरातील उपनगर हद्दीतील गोविंदनगरमध्ये रविवारी (ता. २०) झालेल्या घरफोडीचा उपनगर पोलिस ठाण्यात गुन्हा दाखल झाला होता. त्याचा तपास करीत अवघ्या २४ तासांत गुन्हा उघडकीस आणत संशयितांना अटक केले. त्यांचाकडून तीन लाख ७६ हजारांचे दागिने हस्तगत करण्यात आले आहेत..शहरातील गोविंदनगर, प्लॉट नं. ९ ‘अ’ मधील बापूराव मराठे यांच्या घरातील लॉकरमध्ये ठेवलेले सोन्या-चांदीचे दागिने व रोख रक्कम चोरट्यांनी लांबविली होती. उपनगर पोलिस ठाण्यात गुन्हा दाखल करण्यात आला होता..रविवारी (ता. २०) गुन्हे शाखेचे पोलिस निरीक्षक हेमंत पाटील यांना माहिती मिळाली की, सराफ बाजारातील आई एकवीरा ज्वेलर्स येथे दोन व्यक्ती दागिने विक्री करण्याकरिता आले आहेत. पथकाने संबंधित ठिकाणी जाऊन तेथे दोन व्यक्ती मिळून आले. त्यांची चौकशी करता त्यांची नावे गणेश धनराज सूर्यवंशी (वय २५, रा. हुडको कॉलनी, नंदुरबार) व दीपक नारायण कदमबांडे (वय ३४, रा. जगतापवाडी, ता. जि. नंदुरबार) असे सांगितले. त्यांची झडती घेता त्यांच्या ताब्यात एक लाख ५० हजार रुपये मिळून आले. त्यांना रकमेबाबत विचारणा करता, त्यांनी आई एकवीरा ज्वेलर्स दुकानाचे मालक दीपक सदाशिव विसपुते (वय ३०, रा. बाबा गणपतीजवळ, नंदुरबार) यास सोन्याचे दागिने विक्री केल्याचे सांगितले..सदर दागिने गणेश सूर्यवंशी याचा चुलत भाऊ जयेश देवीदास सूर्यवंशी (वय २४, रा. नगरपालिका शाळा क्रमांक १ जवळ, नंदुरबार) याने व त्याचा साथीदार दीपक सचिन पवार (वय २५, रा. मनमोहननगर, नंदुरबार) यांनी विक्री करण्यासाठी दिले असल्याचे सांगितले. संबंधित व्यक्तींकडून २१.३६० ग्रॅम वजनाचे दागिने अंदाजे किंमत दोन लाख दोन हजार ९२०, तसेच एक लाख ५० हजार रुपये रोख रक्कम असे हस्तगत करण्यात आले. संशयितांचे साथीदार जयेश सूर्यवंशी व दीपक पवार यांचा गुन्हे शाखेच्या पथकाने शोध घेऊन त्यांना ताब्यात घेण्यात आले. त्यांच्याकडून २३ हजार १८७ रुपये किमतीचे दागिने हस्तगत करण्यात आले आहेत. संशयितांकडून एकूण तीन लाख ७६ हजार १०७ रुपये किमतीचा मुद्देमाल हस्तगत करण्यात आले..धक्कादाय प्रकार! 'सातारमधील वृद्धाला हनी ट्रॅपच्या माध्यमातून लुटले'; पाचजण अटकेत, महिलेने वृद्धाला घरी नेहले अन्.. .पोलिस अधीक्षक श्रवण दत्त एस., अपर पोलिस अधीक्षक आशित कांबळे यांच्या मार्गदर्शनाखाली पोलिस निरीक्षक हेमंत पाटील, पोलिस उपनिरीक्षक मुकेश पवार, तसेच विशाल नागरे, राकेश मोरे मोहन ढमढेरे, अभय राजपूत, आनंदा मराठे, राहुल तडवी यांनी केली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.