नंदुरबार : रोषमाळ-कोठार-तळोदा राष्ट्रीय महामार्ग आठ रस्त्यालगत चांदसैली घाटातील रस्त्याची दुरुस्तीची कामे करण्यासाठी अत्यावश्यक सेवा देणारी वाहने वगळता इतर वाहनांसाठी मार्गावरील वाहतूक ८ जानेवारी २०२३ पर्यंत बंद करण्याचे आदेश जिल्हादंडाधिकारी मनीषा खत्री यांनी प्रसिद्धीपत्रकान्वये दिले.
रोषमाळ-कोठार-तळोदा राष्ट्रीय महामार्ग आठ रस्त्यालगत चांदसैली घाट (५६/८५० ते ६४/०० लांबी)दरम्यान महाराष्ट्र राज्य विद्युत पारेषण विभागामार्फत लोखंडी वीजवाहिनीचे टॉवर्स उभारणीचे काम करण्यात आले आहे. काम करत असताना वीजवाहिनीचे टॉवर उभारण्यासाठी डोंगराळ परिसरात जागेचे खोदकाम केल्याने तेथील जागा भुसभुशीत झाल्याने अवकाळी पावसामुळे किंवा भूस्खलनामुळे परिसरात घाटातून मोठ्या प्रमाणावर दगड व माती रस्त्यावर कोसळण्याची शक्यता नाकारता येत नाही.
हेही वाचा: Credit Score :असा वाढवा तुमचा ‘क्रेडिट स्कोअर’
त्यामुळे या मार्गावरील धोकादायक वळणावर तसेच आवश्यक त्या ठिकाणी संरक्षण भिंत उभारणे, खड्ड्यांचे डागडुजीकरण, रस्त्यांच्या दुरुस्तीसाठी अत्यावश्यक सेवा देणारी वाहन वगळता ८ डिसेंबर २०२२ ते ८ जानेवारी २०२३ पर्यंत चांदसैली घाटमार्गावरील वाहनांची वाहतूक बंद करून इतर मार्गाने वळविण्यात येत आहे.
अत्यावश्यक सेवेसाठी मुभा
हा मार्ग रुग्णवाहिका, अग्निशमक, गॅस सिलिंडर वाहतूक, शासकीय अन्न व धान्य वितरण इत्यादी वाहने अशा अत्यावश्यक सेवेच्या वाहनासाठीच सुरू राहील. मार्गावर उपप्रादेशिक परिवहन अधिकाऱ्यांनी दिशादर्शक फलक आणि बॅरिकेड्स लावण्यात येऊन वाहतूक वळविण्याबाबत कार्यवाही व उपाययोजना करून पथकाची नियुक्ती करावी. सार्वजनिक बांधकाम विभागाने मार्गावरील रस्त्यांच्या दुरुस्तीची कामे मुदतीत पूर्ण करावीत, असेही आदेशात नमूद करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
