Nashik News: येवल्यासह तालुक्यात 13 नवे रेशन दुकाने

Nashik News : नागरिकांची गैरसोय टाळण्यासाठी तालुक्यात १३ गावांत नव्याने स्वस्त धान्य दुकाने होणार आहेत यासाठी तहसिल कार्यालयाकडून अकार्यान्वित दुकानासाठी जाहीरनामा प्रसिद्ध करण्यात आला आहे. (13 new ration shops in Taluka including yeola Nashik News)

हेही वाचा : Credit Card फसवणूक....काय घ्याल काळजी?

तालुक्यातील सध्याची रास्त भाव दुकाने कायम ठेवून आतापर्यंत रद्द असलेली,राजीनामा दिलेली, नवीन प्रस्तावित व इतर कारणांमुळे रिक्त असलेल्या १३ अकार्यान्वित रास्त भाव दुकान दुकानासाठी विहित नमुन्यात अर्ज मागविण्यात आले आहेत अशी माहिती जिल्हा पुरवठा अधिकारी रमेश मिसाळ यांच्या सूचनेनुसार तहसीलदार आबासाहेब महाजन यांनी दिली.

शहरातील पाच तसेच तालुक्यातील दहेगाव पाटोदा,न्याहारखेडे बु., पिंपळगाव जलाल, देवदरी, धनकवाडी, भिंगारे, गुजरखेडे, पिंपळगाव लेप अशा एकूण १३ नवीन रास्त भाव दुकानांचा जाहीरनामा प्रसिद्ध करण्यात आला आहे.

अर्ज परिपूर्ण भरून आवश्यक त्या कागदपत्रांसह तहसील कार्यालय येवला येथे समक्ष ३१ जुलैपर्यत सीलबंद पाकिटात सादर करावेत. त्यानंतर आलेल्या अर्जांचा विचार केला जाणार नाही असे तहसीलदार महाजन यांनी सांगितले.