नांदगाव तालुक्यातील खारी नदीपात्रात तिघे बुडाले

drowing in river basin
drowing in river basinesakal

बोलठाण (नाशिक) : बैलगाडीतून घरी परतत असताना नांदगाव तालुक्यातील मराठवाड्याच्या हद्दीतील जातेगाव येथील बाळू डोळस यांच्या शेतालगत खारी नदीला आलेल्या पुराच्या पाण्यात बैलगाडी उलटल्याने आठ जण बुडाले. पैकी पाच जणांनी आपला जीव वाचविला. मात्र, तिघे वाहून गेले. तिघांपैकी दोघांचे मृतदेह सापडले असून, पूजा सोनवणे या तिसऱ्या बेपत्ता मुलीचा सायंकाळी उशिरापर्यंत शोध सुरूच होता.

drowing in river basin
उड्डाणपुलावरील लोखंडी पट्ट्यांमुळे अपघातास निमंत्रण

औरंगाबाद व नाशिक जिल्हा आपत्ती व्यवस्थापनाने जीव सुरक्षा दलाची शोध कार्यासाठी मदत घेतली आहे. पथकातील जवानांनी नदीपात्र पिंजून काढले. घटनेत मृत पावलेल्या मिनाबाई दिलीप बहिरव (वय ४५) व साक्षी अनिल सोनवणे (वय ११, रा. आडगाव) यांच्यावर आज (ता. २५) त्यांच्या मूळगावी अंत्यसंस्कार करण्यात आले. तर पंधरा वर्षीय पूजा दिनकर सोनवणे पाण्याच्या प्रवाहात वाहून गेली. शुक्रवार (ता. २४) पासून तिचा शोध घेण्याचे काम सलग दुसऱ्या दिवशीही सुरूच होते. सायंकाळी उशिरापर्यंत थांगपत्ता न लागल्याने रविवारी पुन्हा शोधमोहिम राबविण्यात येणार आहे.

जातेगाव शिवारात आडगाव (ता. कन्नड, जि. औरंगाबाद) येथील शेतकरी शेतीकाम आटोपून घराकडे निघाले असता रस्त्यातील खारी नदीपात्रातील पाण्याचा अंदाज न आल्याने बैलगाडी उलटून मिनाबाई दिलीप बहिरव व साक्षी अनिल सोनवणे यांचा मृत्यू झाला. तर पूजा सोनवणे हिचा शोध सुरू आहे.बैलगाडीतील उषाबाई दिनकर सोनवणे, ज्योतीबाई वाल्मिक सोनवणे, विकास दिलीप बहिरव, कोमल विकास बहिरव, समीक्षा अनिल सोनवणे हे पाच जण सुखरूप वाचले आहेत.

drowing in river basin
झाडाचा आडोसा ठरला शेवट

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com