सिडको (जि. नाशिक) : अंबड लिंक रोड केवल पार्क येथील दोन भंगाराच्या दुकानांना (Scrap shop) आग लागल्याने लाखो रुपयांचे प्लॅस्टिक (Plastic) व साहित्य जळून खाक झाले. शेजारच्या मोकळ्या भूखंडावरील कचऱ्यानेदेखील (Waste) पेट घेतल्याने बराच वेळ ही आग धुमसत होती. (2 scrap shops Caught Fire Nashik News)
शनिवारी (ता.२८) दुपारी ही आग लागली. या वेळी बाजूलाच मोकळ्या भूखंडावर मोठ्या प्रमाणात भंगार प्लॅस्टिक, लाकडी फळ्या, पुठ्ठे व इतर साहित्य पडले होते. आगीने रौद्ररूप धारण केल्याने बाजूच्या भूखंडावर ही आग भडकली. आगीने रौद्ररूप धारण केल्याने परिसरात धुराचे लोट पसरले. घटनेची माहिती मिळताच अग्निशमन सिडको, सातपूर व अंबड एमआयडीसी येथून चार बंब दाखल झाले. दोन तासानंतर आगीवर नियंत्रण मिळवण्यात कर्मचाऱ्यांना यश आले. आग विझविण्यासाठी अग्निशमन विभागाचे रवींद्र लाड, इस्माईल काजी, फायरमन अविनाश सोनवणे, सोमनाथ शिंदे, कांतिलाल पवार, शुभम मोरे, शुभम लाड, सचिन लोखंडे यांनी प्रयत्न केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
