Nashik : आणखी 20 पॉझिटिव्‍ह; जिल्‍ह्यात ॲक्‍टिव्‍ह रुग्‍णसंख्या 71 वर

corona patient
corona patientesakal

नाशिक : सलग दुसऱ्या दिवशी जिल्‍ह्यात नव्‍याने आढळलेल्‍या कोरोनाबाधितांची (Corona Patients) संख्या दोन आकडी राहिली. शुक्रवारी (ता. १०) दिवसभरात २० रुग्‍णांचे कोरोना अहवाल पॉझिटिव्‍ह (Positive) आले. यामुळे ॲक्‍टिव्‍ह रुग्‍णसंख्या अठराने वाढली असून, सद्यःस्‍थितीत जिल्‍ह्यात उपचार घेणाऱ्या कोरोनाबाधितांची संख्या ७१ झाली आहे. दरम्यान, दोन रुग्‍णांनी कोरोनावर यशस्‍वी मात केली. (20 more positives number of active patients in district 71 Nashik Corona Update News)

जिल्‍ह्यात कोरोना फैलावाच्‍या केंद्रस्‍थानी नाशिक महापालिका क्षेत्र राहात आहे. शुक्रवारी नाशिक महापालिका क्षेत्रातील १४ रुग्‍णांना कोरोनाची लागण झाल्‍याचे निदान झाले. नाशिक ग्रामीण भागातील तीन, मालेगाव महापालिका क्षेत्र एक, तर जिल्‍हाबाहेरील दोघांना कोरोनाची लागण झाल्‍याचे निदान झाले. दोन रुग्‍णांनी कोरोनावर यशस्‍वी मात केल्‍याचे अहवालात नमूद केले आहे. कोरोनामुळे होणाऱ्या निधनाचे प्रमाण थांबल्‍याची मात्र दिलासादायक बाब आहे. प्रलंबित अहवालांची संख्या वाढू लागली असून, सायंकाळी उशिरापर्यंत २०२ रुग्‍णांचे अहवाल प्रलंबित होते. यापैकी नाशिक महापालिका क्षेत्र ४२, नाशिक ग्रामीण भागात १३९ व मालेगाव महापालिका क्षेत्रातील २१ रुग्‍णांना अहवालाची प्रतीक्षा आहे.

corona patient
Nashik Crime : अधरवड येथे 20 वर्षीय युवतीची हत्या

ॲक्‍टिव्‍ह रुग्‍णसंख्येची स्‍थिती अशी

नाशिक महापालिका क्षेत्र : 51

नाशिक ग्रामीण क्षेत्र : 10

मालेगाव महापालिका क्षेत्र : 4

जिल्‍हाबाहेरील : 6

corona patient
कर्मचारी भविष्य निर्वाह निधी सभासदासाठी ई-नॉमिनेशन अनिवार्य

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com