नाशिक जिल्‍ह्यात आज 128 रुग्‍णांची कोरोनावर मात

नाशिक : जिल्‍ह्यात कोरोना बाधितांची संख्या पुन्‍हा दोनशेहून अधिक राहत आहे. शुक्रवारी (ता.२५) जिल्‍ह्यात अडीचशे रुग्‍णांचे अहवाल पॉझिटिव्‍ह आले. तर १२८ रुग्‍णांनी कोरोनावर मात केली. तीन बाधितांच्‍या मृत्‍यूची नोंद आहे. तर पोर्टलवर ५२ मृत्‍यूंच्‍या नोंदी झाल्‍या. सद्यःस्‍थितीत दोन हजार ५६४ बाधितांवर उपचार सुरु आहेत. (250 new corona positive patients reported in nashik district)

शुक्रवारी नाशिक ग्रामीण क्षेत्रात १६० पॉझिटिव्‍ह आढळले. नाशिक महापालिका क्षेत्रात ८३, जिल्‍हा बाहेरील सात रुग्‍णांचे अहवाल पॉझिटिव्‍ह आले. मालेगावला एकही कोरोना बाधित आढळला नाही. तीन मृतांपैकी दोन ग्रामीणमधील तर एक नाशिक महापालिका क्षेत्रातील आहे.

सायंकाळी उशीरापर्यंत एक हजार ४०५ रुग्‍णांना अहवालाची प्रतिक्षा होती. यात मालेगावचे सहाशे, नाशिक ग्रामीणमधील ४७८, नाशिक महापालिका क्षेत्रातील ३२७ रुग्‍णांचे अहवाल प्रलंबित होते. जिल्‍हाभरातील रुग्‍णालये व गृहविलगीकरणात ५०७ रुग्‍ण दाखल झाले. यात नाशिक महापालिका क्षेत्रातील ४६८ रुग्‍णांचा समावेश आहे. जिल्‍हा रुग्‍णालयात एक रुग्‍ण दाखल झाला.

(250 new corona positive patients reported in nashik district)