Nashik News : आत्महत्येचे सत्र सुरुच... वेगवेगळ्या घटनांमध्ये तिघांनी घेतला गळफास

Nashik News : शहर परिसरामध्ये गेल्या काही दिवसांपासून सातत्याने आत्महत्येच्या घटना घडत आहेत. शुक्रवारी (ता. १४) पुन्हा शहरात वेगवेगळ्या घटनांमध्ये तिघांनी गळफास घेत आत्महत्या केल्या आहेत. यात एक १७ वर्षीय मुलीचा समावेश आहे. (3 hanged themselves in different incident nashik news)

सातपूर स्वारबाबानगरमधील धम्म चौकात राहणाऱ्या वैजनाथ उत्तमराव शिंदे (३८) यांनी शुक्रवारी (ता. १४) रात्री आठच्या सुमारास राहत्या घरात साडीने गळफास घेत आत्महत्या केली. उपचारासाठी जिल्हा रुग्णालयात दाखल केले असता, वैद्यकीय अधिकाऱ्याने मयत घोषित केले. याप्रकरणी सातपूर पोलिसात अकस्मात मृत्यूची नोंद करण्यात आली आहे.

दुसरी घटना नाशिक रोड येथील कैलास लॉजमध्ये घडली. आश्विन चंद्रकांत नानवटकर (२१, रा. त्रिमूर्तीनगर, भंडारा रोड, नागपूर) याने शुक्रवारी (ता. १४) सकाळी नऊच्या सुमारास लॉजमध्ये गळफास घेत आत्महत्या केली. याप्रकरणी नाशिक रोड पोलिसात अकस्मात मृत्यूची नोंद करण्यात आली आहे. तिसरी घटना आडगावात शिवारात घडली.

हेही वाचा : What Is Moksha: ‘अण्णा तुमच्या गुरूला मिळाला का मोक्ष?’

संजना गोरख वाकळे (१७, रा. श्याम व्हिला अपार्टमेंट, जत्रा हॉटेल, आडगाव शिवार) हिने राहत्या घरात साडीने गळफास घेतला. उपचारासाठी खासगी रुग्णालयात दाखल केले असता तपासून मृत घोषित करण्यात आले. याप्रकरणी आडगाव पोलिसात अकस्मात मृत्यूची नोंद करण्यात आली आहे.