भारम येथे गावठी पिस्तूलासह 3 जिवंत काडतुसे जप्त; एकाला अटक

अवैध अग्निशस्त्र हत्यार शोधमोहीम सुरू असताना स्थानिक गुन्हे शाखेला मिळालेल्या गुप्त माहितीच्या आधारे ही कारवाई करण्यात आली.
pistol
pistolesakal

येवला (जि. नाशिक) : भारम येथे स्थानिक गुन्हे शाखेच्या पथकाने धडक कारवाई करत गावठी कट्ट्यासह तीन काडतुसे जप्त केली असून, एका संशयिताला अटक केली आहे.

तालुका परिसरात अवैध अग्निशस्त्र हत्यार शोधमोहीम सुरू असताना स्थानिक गुन्हे शाखेला मिळालेल्या गुप्त माहितीच्या आधारे तालुक्यातील रहाडी भारम रस्त्यावरील भारम बस स्टॉप परिसरात शोधाशोध केली. यावेळी संशयित वाल्मीक दिलीप गांजे (वय २९) याची झाडाझडती घेतली असता त्याच्याकडे २५ हजारांचा ७.६५ एम. एम. बॅरल असलेला गावठी कट्टा तसेच तीन जिवंत काडतुसे, एक रिकामी पुंगळी, सॅमसंगचा मोबाईल असा ३५ हजार ९०० रुपयांचा मुद्देमाल हस्तगत करण्यात आला. जिल्ह्यातील मराठवाडा हद्दीच्या लगत असलेल्या भारमसारख्या ग्रामीण भागातील तरुणाकडे कट्टा आला कोठून, हा मोठा प्रश्न निर्माण झाला आहे. हवालदार उदय पाठक, प्रवीण सानप, पोलिस नाईक प्रशांत पाटील, विश्वनाथ काकड आदींनी ही कारवाई केली. संशयिताला पुढील कारवाईसाठी येवला तालुका पोलिसांच्या हवाली करण्यात आले. शनिवारी (ता. १८) येवला न्यायालयात हजर केले असता २० जूनपर्यंत पोलिस कोठडी सुनावली आहे. पोलिस उपनिरीक्षक उज्वलसिंग राजपूत पुढील तपास करत आहेत.

pistol
Nashik Crime : 2 गावठी कट्टे, 3 जिवंत काडतुसे जप्त; 6 संशयितांना अटक
pistol
Nashik : सेल्समनला अनोळखी महिलेचा 5 लाखांना गंडा

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com