Nashik Cyber Fraud: सोन्यात गुंतवणूक करणे पडले महाग; सायबर भामट्याने घातला 43 लाखांना गंडा

प्रविण एकनाथ वंजारी (रा. दातेनगर, गंगापूर रोड) यांच्या फिर्यादीनुसार, त्यांना गेल्या ऑगस्ट महिन्यात व्हॉटसॲप क्रमांकावरून त्यांच्या व्हॉटसॲपवर संपर्क साधला
Cyber Fraud
Cyber FraudSakal

Nashik Cyber Fraud : सोशल मीडियावरून संपर्क साधून सोन्यामध्ये गुंतवणूक केल्यास चांगल्या परताव्याचे आमिष दाखवून सायबर भामट्याने एकाला तब्बल ४३ लाख ६४ हजार रुपयांना गंडा घातला आहे.

याप्रकरणी नाशिक सायबर पोलिसात गुन्हा दाखल करण्यात आला आहे. (43 lakhs cheated one with lure of good returns Nashik Cyber Fraud crime)

प्रविण एकनाथ वंजारी (रा. दातेनगर, गंगापूर रोड) यांच्या फिर्यादीनुसार, त्यांना गेल्या ऑगस्ट महिन्यात व्हॉटसॲप क्रमांकावरून त्यांच्या व्हॉटसॲपवर संपर्क साधला आणि त्यांना टीके गोल्ड ॲण्ड ट्रेडिंग कंपनी या नावाच्या व्हॉटसॲप ग्रुपमध्ये ॲड केले होते.

सोन्यामध्ये आर्थिक गुंतवणूक केल्यास त्यामध्ये चांगला परताव्याची हमी देत वंजारी यांचा विश्वास संपादन केला.

Cyber Fraud
Jalgaon Cyber Fraud: एक लाईक पडला साडेबारा लाखात; जीएमसीच्या डॉक्टरांना ऑनलाइन गंडा

संशयित सायबर भामट्याने गुंतवणूक करण्यासाठी वंजारी यांना विविध व्हॉटसॲप क्रमांकांवरून संपर्क साधून आयडीएफसी, यस बँक, आयसीआयसीआय बँक, पंजाब नॅशनल या बँक अकाऊंटवर पैसे भरण्यास सांगितले. त्याप्रमाणे वंजारी यांनी पैसे भरले. नोव्हेंबरपर्यंत त्यांना केलेल्या गुंतवणूकीवर परतावा आलाच नाही.

त्यामुळे त्यांनी जाब विचारला असता संशयितांनी या ना त्या कारणाने त्यांची टाळाटाळ केली असता, फसवणूक झाल्याचे त्यांच्या लक्षात आले. याप्रकरणी त्यांनी नाशिक सायबर पोलीस ठाणे गाठून तक्रार दिली. त्यानुसार फसवणुकीचा गुन्हा दाखल करण्यात आला असून, वरिष्ठ पोलीस निरीक्षक रियाज शेख हे तपास करीत आहेत.

Cyber Fraud
Nashik Cyber Fraud Crime: दुपटीने वाढले सायबर फ्रॉड! नोकरीच्या आमिषातून तरुणांची 4 कोटींची फसवणूक

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com