Crime Update : संशयिताकडून 5 मोबाईल जप्त

जुने नाशिक : दूध बाजार परिसरातील संशयिताकडून भद्रकाली गुन्हे शोध पथकाने पाच मोबाईल जप्त (Mobile Seized) केले. मोबाईल चोरीचे आहेत की दुकानदाराचे, याचा अधिक तपास पोलिस करीत आहे. (5 mobile phones seized from suspect nashik Crime Update Latest Marathi news)

भद्रकाली गुन्हे शोध पथक सोमवारी (ता. १८) सकाळी साडेआठच्या सुमारास दूध बाजार परिसरात गस्त करत होते. एक तरुण संशयितरीत्या परिसरात वावरत होता. पोलिसांना बघताच त्याने पळ काढण्याचा प्रयत्न केला.

गुन्हे शोध पथकाचे कर्मचारी रमेश कोळी, संतोष शेळके, सागर निकुंभ, लक्ष्मण ठेवणे, धनंजय हासे यांनी त्यास चौकशीसाठी ताब्यात घेतले. सोमनाथ कुमावत (२२, रा. पंचवटी) असे त्याने नाव सांगितले. चौकशी दरम्यान त्याच्याकडे असलेल्या पिशवीची तपासणी केली.

त्यात विविध कंपनीचे पाच मोबाईल आढळले. याबाबत त्याच विचारणा केली असता, त्याने समाधानकारक माहिती दिली नाही. अधिक चौकशीसाठी त्यास पोलिस ठाण्यात आणण्यात आले.

त्याच्याकडे पाच मोबाईल आले कुठून, मोबाईल चोरीचे आहे की अन्य कुणाचे दुकानदाराचे आहे. याबाबत पथकाकडून चौकशी सुरू आहे. यासंदर्भात भद्रकाली पोलिस ठाण्यात तक्रार दाखल करण्यात आली आहे.