नाशिक- सायबर भामट्यांनी शहरातील तरुणाला क्रिप्टो करन्सीमध्ये गुंतवणूक केल्याने मोठ्या आर्थिक लाभ मिळवून देण्याचे आमिष दाखवून तब्बल ७५ लाखांना गंडा घातला आहे. याप्रकरणी शहर सायबर पोलिसात अज्ञात सायबर भामट्यांविरोधात गुन्हा दाखल करण्यात आला आहे. .३३ वर्षीय तरुणाने शहर सायबर पोलिसात दिलेल्या तक्रारीनुसार, ऑक्टोबर २०२४ मध्ये संशयित अनन्या शुक्ला हिने व्हॉटसॲपवरून तरुणाशी संपर्क साधला होता. त्यावेळी तिने क्रिप्टो करन्सीमध्ये आर्थिक गुंतवणूक करण्यासंदर्भात सांगत त्यातून जादा आर्थिक परतावा मिळण्याबाबत सांगितले आणि तरुणाच्या व्हॉटसॲपवर एक लिंक पाठविली. .या लिंकच्या माध्यमातून तरुणांचा विश्वास संपादन केल्यानंतर त्यास लिंकवरून रजिस्ट्रेशन करण्यास भाग पाडले. त्यानंतर आणखी काही सायबर भामट्यांनी त्यांच्याशी संपर्क साधून क्रिप्टो करन्सीमध्ये गुंतवणूक करण्यासाठी विविध बँक खात्यावर पैसे ऑनलाईन वर्ग करण्यास लावले. त्याप्रमाणे, जादा परताव्याच्या आमिषाला भुलून त्यानेही सायबर भामटे सांगतील त्याप्रमाणे त्यांच्या बँक खात्यांवर पैसे वर्ग केले..परंतु सायबर भामट्यांनी सांगितल्याप्रमाणे त्याला परतावा मिळत नसल्याने त्याने गुंतविलेले रकम परत काढण्यासाठीचे प्रयत्न केले. सायबर भामट्यांनी ते परत न केल्याने तरुणाला फसवणूक झाल्याचे लक्षात आले. त्याने शहर सायबर पोलिसात धाव घेत तक्रार दिली. त्यानुसार, त्याची ७५ लाख ९५ हजार ६० रुपयांची फसवणूक झाली असून, याप्रकरणी शहर सायबर पोलिसात फसवणुकीचा गुन्हा दाखल केला आहे. वरिष्ठ निरीक्षक सुभाष ढवळे हे गुन्ह्याचा तपास करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.