नाशिक : जिल्ह्यात नव्याने आढळणाऱ्या कोरोना बाधितांची (Corona Patients) संख्या सौम्य स्वरूपात वाढत चालली आहे. रविवारी (ता. १०) जिल्ह्यात ८० रुग्णांचे कोरोनाचे अहवाल पॉझिटिव्ह (Positive Cases) आले, तर ५८ रुग्णांनी कोरोनावर मात केली. यातून ॲक्टिव्ह रुग्णसंख्येत २२ ने वाढ झाली झाली आहे. सद्यःस्थितीत जिल्ह्यात उपचार घेणाऱ्यांची संख्या ४२१ वर पोचली आहे. (80 positive 58 patients corona free in district Nashik Corona Update News)
नाशिक महापालिका क्षेत्रात रविवारी ५४ बाधित आढळून आले आहेत. नाशिक ग्रामीणमधील अठरा, तर जिल्हाबाहेरील आठ रुग्णांना कोरोनाची लागण झाल्याचे निदान झाले. मालेगाव महापालिका क्षेत्रात दिवसभरात नव्याने बाधित आढळून आला नाही. सध्या उपचार घेणाऱ्या ४२१ बाधितांपैकी दोघांना उपचारात ऑक्सिजनची आवश्यकता भासते आहे.
नाशिक ग्रामीणमधील २०५, नाशिक शहरातील १७४, तर मालेगाव १८, जिल्हाबाहेरील २४ बाधितांवर सध्या जिल्ह्यात उपचार सुरू आहेत. प्रलंबित अहवालांची संख्या घटली असून, सायंकाळपर्यंत अवघे पंधरा अहवाल प्रलंबित होते. हे सर्व नाशिक महापालिका क्षेत्रातील होते.
पॉझिटिव्हिटी दरात वाढ
जिल्ह्याचा पॉझिटिव्हिटी दर वाढला आहे. रविवारी हा दर ७.६० टक्के राहिला. नाशिक महापालिका क्षेत्रातील पॉझिटिव्हिटी दर दोन आकड्यांवर गेला असून, १६.२७ टक्के इतकी नोंद झाली आहे. नाशिक ग्रामीणमधील पॉझिटिव्हिटी दर २.८७ टक्के राहिला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
