नाशिक जिल्‍ह्यात आज ५२३ पॉझिटिव्‍ह; तर ९७२ कोरोनामुक्‍त

नाशिक : जिल्‍ह्यात नव्‍याने आढळणाऱ्या कोरोना बाधितांच्‍या संख्येत घट झाली आहे. मात्र कोरोना बळींची संख्या अद्यापही आटोक्‍या बाहेर आहे. गुरुवारी (ता.३) दिवसभरात ५२३ पॉझिटिव्‍ह (Corona positive) आढळले. तर ९७२ रुग्‍णांनी कोरोनावर यशस्‍वीरीत्‍या मात (Corona Free) केली. ४१ बाधितांचा कोरोनाने बळी घेतला. यातून ॲक्‍टिव्‍ह रुग्‍ण (Active patients) संख्येत ४९० ने घट झाली आहे. सद्यःस्‍थितीत जिल्‍ह्‍यात सात हजार ५९१ बाधितांवर उपचार सुरु आहेत. (972 corona patients discharged in nashik district)

कोरोनाचा आलेख उतरता

गुरुवारी नाशिक महापालिका क्षेत्रात चौदा, नाशिक ग्रामीणमध्ये २७ बाधितांचा कोरोनाने बळी घेतला. नव्‍याने आढळलेल्‍या कोरोना बाधितांमध्ये नाशिक शहरातील १७०, नाशिक ग्रामीणमधील ३३९, मालेगावचे अकरा तर जिल्‍हा बाहेरील तिघांचे अहवाल पॉझिटिव्‍ह आले आहेत. कोरोनामुक्‍त झालेल्‍या रुग्‍णांमध्ये नाशिक ग्रामीणमधील सर्वाधिक ६०२ रुग्‍ण आहेत. नाशिक शहरातील ३३८, मालेगावचे वीस तर जिल्‍हा बाहेरील बारा रुग्‍णांनी कोरानावर यशस्‍वीरीत्‍या मात केली.

१८९६ रुग्‍णांना अहवालाची प्रतिक्षा

सायंकाळी उशीरापर्यंत एक हजार ८९६ रुग्‍णांना अहवालाची प्रतिक्षा होती. यात नाशिक ग्रामीणमधील एक हजार ३०२ रुग्‍णांचे अहवाल प्रलंबित होते. तर नाशिक शहरातील २९०, मालेगावच्‍या ३०४ रुग्‍णांना अहवालाची प्रतिक्षा होती. जिल्‍हाभरातील रुग्‍णालये व गृहविलगीकरणात ९७७ रुग्‍ण दाखल झाले. यात नाशिक महापालिका क्षेत्रातील ८७८ रुग्‍णांचा समावेश आहे. जिल्‍हा रुग्‍णालयात सहा, डॉ.वसंत पवार वैद्यकीय महाविद्यालयात तीन रुग्‍ण दाखल झाले. नाशिक ग्रामीणधमील ६२ तर मालेगावच्‍या २८ रुग्‍णांचा समावेश आहे.

972 corona patients discharged in nashik district