Admission 2022 : अकरावीचे 3 दिवसांत 26 टक्‍के जागांवर प्रवेश | Latest Marathi news | Sakal
sakal

बोलून बातमी शोधा

As the first merit list of class 11th was announced on Friday, the queue of students for admission in colleges.

Admission 2022 : अकरावीचे 3 दिवसांत 26 टक्‍के जागांवर प्रवेश

नाशिक : अकरावी प्रवेश प्रक्रियेअंतर्गत तीन दिवसांत सहा हजार ८६८ विद्यार्थ्यांनी प्रवेश निश्‍चित केले. उपलब्‍ध जागांपैकी २५.९४ टक्‍के जागांवर विद्यार्थ्यांनी प्रवेश घेतले आहेत. दरम्‍यान, सध्याच्‍या वेळापत्रकानुसार शनिवारी (ता.६) पहिल्‍या यादीतील विद्यार्थ्यांना प्रवेश निश्‍चितीची अखेरची संधी असणार आहे.

यात मुदतवाढ दिली जाते, की वेळापत्रकानुसार दुसऱ्या फेरीची प्रक्रिया राबविली जाते, याकडे लक्ष लागले आहे. (Admission 2022 11th admission in 26 percent seats in 3 days nashik Latest Marathi news)

नाशिक महापालिका क्षेत्रातील विविध कनिष्ठ महाविद्यालयांमध्ये अकरावी प्रवेशाची प्रक्रिया सध्या सुरू आहे. त्यासाठी विद्यार्थ्यांची महाविद्यालयांत झुंबड बघायला मिळत आहे. अनेक विद्यार्थ्यांसोबत त्‍यांचे पालकही उपस्‍थित राहून, प्रक्रिया पूर्ण करताना धावपळ करत आहेत. पहिली निवडयादी जाहीर झाल्‍यापासून तीन दिवसांत प्रवेश निश्‍चितीची लगबग बघायला मिळत आहे. या फेऱ्यांच्या माध्यमातून २२ हजार ३१४ जागा उपलब्‍ध आहेत.

हेही वाचा: MVP Election : इच्छुकांसाठी निवडणूक नियमावली जारी; इच्‍छुकांकडून अनेक अर्ज

कोट्याच्‍या ९५८ जागांवर प्रवेश

महापालिका क्षेत्रात कोट्यांतर्गत तीन हजार २०८ जागा उपलब्‍ध आहेत. यापैकी ९५८ जागांवर प्रवेश निश्‍चित झाले आहेत. इनहाउस, अल्‍पसंख्याक व मॅनेजमेंट कोट्याच्‍या जागांचा यात समावेश आहे.

हेही वाचा: पौरोहित्‍यातही महिलाराज : स्‍त्री पौरोहित्‍याची पध्दत वैदिक काळापासून

Web Title: Admission 2022 11th Admission In 26 Percent Seats In 3 Days Nashik Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..