Nashik Fraud Crime: अद्वय हिरे यांना भोपाळमधून अटक; ग्रामीण स्थानिक गुन्हे शाखेची कारवाई

Nashik Crime : जिल्हा बँकेकडून घेतलेल्या कर्जाची परतफेड न करता फसवणूक केल्याप्रकरणी शिवसेना ठाकरे गटाचे डॉ अद्वय हिरे यांना नाशिक ग्रामीणच्या स्थानिक गुन्हे शाखेच्या पथकाने भोपाळमधुन अटक केली. (Advay Hiray arrested from Bhopal in fraud case nashik crime news)

गेल्या दोन आठवड्यांपासून हिरे फरार झाले होते. ग्रामीण पोलिसांसह शहर पोलिसही हिरे यांच्या मागावर होते. रेणुका सुत गिरणीच्या नावाखाली नाशिक जिल्हा बँकेतून अद्वय हिरे यांनी ७.४६ कोटीचे कर्ज घेतले होते. परंतु या कर्जाची त्यांनी परतफेड न करता त्या पैशांचा गैरवापर केला आहे.

परतफेड न केल्याने कर्ज २५ कोटींवर गेले आहे. याप्रकरणी जिल्हा बँकेच्या फिर्यादीनुसार गुन्हा दाखल करण्यात आलेला आहे.

या प्रकरणी जिल्हा न्यायालयानंतर उच्च न्यायालयानेही अद्वय हिरे यांचा अटकपूर्व जामीन अर्ज फेटाळला होता. गेल्या दोन आठवड्याआधीपासून हिरे फरार आहेत. तर गेल्या काही दिवसात भद्रकाली व नंतर नाशिकरोड पोलिसांत ही गुन्हे दाखल झाले आहेत.

हिरे भोपाळमध्ये लपून असल्याची माहिती मिळताच ग्रामीण पोलिसांच्या पथकाने मंगळवारी मध्यरात्री एका हॉटेलमधून अटक केलयाचे सूत्रांनी सांगितले.